آئندہ مالی سال کیلئے دفاعی بجٹ کا تخمینہ کیا ہوگا، تفصیلات سامنے آگئیں

دفاعی بجٹ کا تخمینہ

اسلام آباد(ڈیلی پاکستان آن لائن )آئندہ مالی سال کے لئے دفاعی بجٹ میں 159 ارب روپے اضافے کا تخمینہ لگایا گیا ہے۔

یہ بھی پڑھیں: جنوبی افریقہ میں بھارتی کاروباری شخص کو اسی کی بیوی نے اغوا ءکرادیا، حیران کن تفصیلات سامنے آگئیں

دفاعی اخراجات کی تفصیلات

نجی ٹی وی ایکسپریس نیوز نے ذرائع کے حوالے سے بتایا کہ دفاعی اخراجات کا تخمینہ 2 ہزار 281 ارب روپے ہے، رواں مالی سال کے مقابلے میں نئے مالی سال دفاعی بجٹ میں 7.49 فیصد اضافے کا تخمینہ ہے۔

یہ بھی پڑھیں: دو کروڑ کے کتے نے ٹرمپ کی حفاظت سنبھالی

ماضی کے بجٹ کے مقابلے میں اضافہ

گزشتہ مالی سال کے مقابلے رواں مالی سال دفاعی بجٹ 14.16 فیصد زیادہ مختص کیا گیا۔ حکومت نے رواں مالی سال 2024-25 کے لئے دفاعی بجٹ 2 ہزار 122 ارب روپے مختص کیا۔ گزشتہ مالی سال 2023-24 میں دفاعی اخراجات ایک ہزار 858 ارب 80 کروڑ روپے رہے تھے۔

اضافے کی تفصیلات

گزشتہ سال کے مقابلے رواں مالی سال دفاعی بجٹ میں 263 ارب 20 کروڑ روپے اضافہ کیا گیا۔