وزیراعلیٰ مریم نواز کی زیر صدارت اجلاس، کسانوں کیلئے شاندار پیکج لانے کا اعلان

اجلاس کی تفصیلات

لاہور (ڈیلی پاکستان آن لائن) وزیراعلیٰ پنجاب مریم نواز کی زیر صدارت کسان پیکج سے متعلق خصوصی اجلاس ہوا جس میں اہم فیصلے کیے گئے۔

یہ بھی پڑھیں: اربابِِ اختیار کو نور جہاں کی بے کسی پر ترس آگیا، آہستہ آہستہ مزار کی تعمیر نو شروع ہوگئی، اب ریل گاڑیاں مقبرے کی چار دیواری سے ہو کر گزرتی ہیں

کسان پیکج کا اعلان

تفصیلات کے مطابق وزیراعلی مریم نواز نے اجلاس سے گفتگو کرتے ہوئے کہا کہ کسان کا نقصان نہ ہونے اور مفادات کے تحفظ کے وعدے کی تکمیل کے لیے گندم کٹائی کے موقع پر اپنے وعدے کو پورا کرتے ہوئے شاندار کسان پیکج کا اعلان کل (بدھ) کیا جائے گا۔ گندم کے کاشتکاروں کے لیے یہ پیکج پنجاب کی تاریخ کا منفرد، بہترین اور بے مثال ثابت ہوگا۔ پیکج سے گندم کے کاشتکاروں کو محنت کا پورا معاوضہ ملے گا۔ ایسے اقدامات کریں گے کہ آٹا بھی مہنگا نہ ہو اور کسان کو بھی نقصان نہ ہو۔

کسانوں کی محنت کی قدردانی

وزیراعلیٰ مریم نواز نے کہا کہ کسان بھائیوں نے شب وروز محنت کرکے میری اپیل پر ریکارڈ گندم کاشت کی۔ کسان کی کاوشوں سے پنجاب نے گندم کی کاشت کا ہدف پورا کیا ہے۔ کسان کے ساتھ ساتھ عام آدمی کے مفادات کا تحفظ بھی کریں گے۔