جو غیر ملکی یہ کام کریں گے میں انہیں پیسے اور ٹکٹ دوں گا اور پھر۔۔ ڈونلڈ ٹرمپ نے بڑا اعلان کر دیا

نیا امیگریشن پروگرام

نیویارک (ڈیلی پاکستان آن لائن) امریکی صدر ڈونلڈ ٹرمپ نے غیر قانونی تارکین وطن کے لیے ایک نیا پروگرام شروع کرنے کا اعلان کیا ہے جس کے تحت جو افراد رضاکارانہ طور پر امریکہ چھوڑیں گے، انہیں نقد رقم اور واپسی کا ہوائی ٹکٹ فراہم کیا جائے گا۔ ٹرمپ کا کہنا ہے کہ اگر یہ افراد ”اچھے شہری“ ثابت ہوں تو انہیں قانونی طریقے سے دوبارہ امریکہ آنے کا موقع بھی دیا جائے گا۔

یہ بھی پڑھیں: نعیم حیدر پنجوتھا کی کسی بھی مقدمے میں گرفتاری عدالتی اجازت سے مشروط

پروگرام کی تفصیلات

فاکس نوٹیسیاس کو دیے گئے انٹرویو میں ٹرمپ نے کہا، ’ہم انہیں کچھ رقم دیں گے، ہوائی ٹکٹ دیں گے، اور پھر اگر وہ اچھے ہوں اور ہمیں ان کی ضرورت ہو، تو ہم انہیں جلد از جلد واپس بلائیں گے۔‘ یہ منصوبہ ٹرمپ کی ماضی کی سخت امیگریشن پالیسی سے قدرے مختلف ہے، جہاں وہ غیر قانونی تارکین وطن کی جبری ملک بدری کی بات کرتے تھے۔ اس بار ان کا زور رضاکارانہ واپسی اور بعد ازاں قانونی طور پر دوبارہ داخلے پر ہے۔

یہ بھی پڑھیں: 180 یوم میں 10 ہزار مریضوں کو فری میڈیسن کی فراہمی کا ریکارڈ قائم

جرائم کے حوالے سے اقدامات

ٹرمپ نے یہ بھی واضح کیا کہ پہلے مرحلے میں ان مجرموں کو ملک سے نکالا جائے گا جو سنگین جرائم میں ملوث ہیں۔ انہوں نے کہا کہ ’ہم قاتلوں کو نکال رہے ہیں‘۔ ان کے مطابق دیگر افراد کے لیے ”سیلف ڈیپورٹیشن پروگرام“ متعارف کروایا جائے گا۔

یہ بھی پڑھیں: دھی رانی پروگرام: خانیوال اور وہاڑی میں58جوڑوں کی اجتماعی شادی کا اہتمام ،تقریب سے صوبائی وزیر سہیل شوکت بٹ کا خطاب

زرعی شعبے میں مزدوروں کی کمی

انٹرویو میں انہوں نے یہ بھی کہا کہ وہ ہوٹلوں اور زرعی شعبے کو درپیش افرادی قوت کے بحران کے پیش نظر ایسے افراد کو دوبارہ قانونی طریقے سے لانے پر غور کر رہے ہیں۔ ان کا کہنا تھا کہ ’کئی فارموں کو مزدوروں کی کمی کا سامنا ہے، یہ کسانوں کے لیے بہت سکون دہ ہوگا‘۔

امریکہ میں موجود غیر قانونی تارکین وطن

اس وقت امریکہ میں موجود غیر قانونی تارکین وطن کو ہدایت کی گئی ہے کہ وہ واپسی کے ارادے سے امریکی کسٹمز اور بارڈر پروٹیکشن کی ایپ کے ذریعے اپنا اندراج کروائیں۔ ٹرمپ کا کہنا ہے، ’ہم سیلف ڈیپورٹیشن کروا رہے ہیں اور ہم اسے لوگوں کے لیے آرام دہ بنائیں گے، اور ہم ان کے ساتھ مل کر انہیں قانونی طور پر ملک واپس لائیں گے۔‘