ہیونڈائی نشاط موٹرز پر دھوکہ دہی پر مبنی اشتہار جاری پر 2.5 کروڑ روپے جرمانہ

اسلام آباد کا تازہ منظر

اسلام آباد(ڈیلی پاکستان آن لائن )کمپٹ ایس یو وی ٹکسن (Tucson) کیلانچنگ کے دوران ہیونڈائی نشاط موٹرز کی مبینہ دھوکہ دہی پر مبنی تشہیری حکمت عملی مہنگی پڑ گئی۔

یہ بھی پڑھیں: علیمہ خان کو ریاست مخالف سوشل میڈیا سر گرمیوں کے الزام پر نوٹس جاری

CCP کی کارروائی

کمپیٹیشن کمیشن آف پاکستان (CCP) نے گاڑی کی لانچنگ کے موقع پر گمراہ کن اشتہارات دینے پر ہیونڈائی نشاط موٹرز پر 2 کروڑ 50 لاکھ روپے کا جرمانہ عائد کر دیا ہے۔ یہ کارروائی CCP کی جانب سے کی گئی ایک تفصیلی تفتیش کے بعد سامنے آئی، جس میں کمپنی کی آن لائن لانچ ایونٹ کو جانچا گیا۔ اس تقریب میں Tucson SUV کو متعارف کرایا گیا تھا، جس کے ابتدائی نرخ بہت پرکشش انداز میں پیش کیے گئے تھے۔

یہ بھی پڑھیں: پاکستانی بحری جہاز عدم ادائیگیوں کے سبب موزمبیق میں ضبط

قیمتوں میں تبدیلی

گاڑی کے ایک ماڈل کی ابتدائی قیمت 48.9 لاکھ روپے جبکہ ٹاپ آف دی لائن ماڈل کی قیمت 53.9 لاکھ روپے رکھی گئی تھی۔ تاہم، CCP کی رپورٹ کے مطابق، یہ رعایتی قیمتیں صرف چند گھنٹوں کے لیے ہی دستیاب تھیں اور "محدود مدت کی پیشکش" کا ذکر انتہائی باریک الفاظ میں اشتہار کے نیچے لکھا گیا تھا، جو عام صارف کے لیے بمشکل پڑھنا ممکن تھا۔

یہ بھی پڑھیں: 100 اور 1500 روپے والے قومی انعامی بانڈز کی قرعہ اندازی سے متعلق تازہ خبر آگئی

نئی قیمتوں کا اعلان

لانچ کے فوراً بعد، ان قیمتوں میں 2 لاکھ روپے کا اضافہ کر دیا گیا اور کمپنی کی ویب سائٹ و سوشل میڈیا سے ابتدائی قیمتوں کا ذکر ہٹا دیا گیا۔ کمیشن نے اپنے فیصلے میں اس عمل کو "بیٹ ایڈورٹائزنگ" یعنی صارف کو جھانسہ دے کر اپنی طرف راغب کرنے کا حربہ قرار دیا، جسے غیر منصفانہ اور گمراہ کن تشہیر کہا گیا۔

صارفین کے اعتماد کا نقصان

CCP کا کہنا تھا کہ ایسے اقدامات صارفین کے اعتماد کو نقصان پہنچاتے ہیں اور غیر شفاف مارکیٹنگ کے مترادف ہیں۔ مزید برآں، کمیشن نے اس امر پر بھی زور دیا کہ ہیونڈائی دیگر ممالک میں زیادہ شفاف مارکیٹنگ پریکٹسز پر عمل کرتا ہے، لہٰذا پاکستانی صارفین کو بھی اسی سطح کی دیانتداری اور وضاحت فراہم کی جانی چاہیے۔