پاکستان کا سب سے طویل پلیٹ فارم روہڑی اسٹیشن جبکہ دنیا کا سب سے لمبا پلیٹ فارم بھارتی شہر گورکھ پور کا ہے جسکی لمبائی روہڑی سے دو گنا زیادہ ہے۔

مصنف

محمد سعید جاوید

یہ بھی پڑھیں: پاکستان میں واٹس ایپ کا نیا سیکیورٹی فیچر متعارف کرانے کا فیصلہ، پی ٹی اے اور میٹا کمپنی کے درمیان مذاکرات کامیاب ہو گئے

قسط

101

یہ بھی پڑھیں: ایف بی آر کو گرفتاری کا اختیار دیدیا گیا ہے: مفتاح اسماعیل

بڑے اسٹیشن کا پلیٹ فارم

اسٹیشن کے بارے میں ابتدائی اور عمومی معلومات دینے کے بعد اب اس کے سب سے مصروف اور بارونق حصے یعنی پلیٹ فارم پر چلتے ہیں جس کے بغیر کسی اسٹیشن کا تصور ہی نا ممکن ہے۔ تکنیکی زبان میں تو کنکریٹ کا بنا ہوا یہ ایک لمبا چوڑا چبوترہ ہوتا ہے جس کی بلندی ڈبے کے دروازے کی دہلیز کے متوازی اور ہموار ہوتی ہے۔

مسافر بغیر کوئی سیڑھیاں چڑھے سیدھا ڈبے کے اندر داخل ہو جاتا ہے۔ یہ عام طور پر اتنا طویل ہوتا ہے کہ انجن سمیت کم از کم بیس بوگیوں والی گاڑی وہاں ٹھہر جائے تب بھی کچھ جگہ بچ جاتی ہے۔ پاکستان کا سب سے طویل پلیٹ فارم روہڑی اسٹیشن ہے، جب کہ دنیا کا سب سے لمبا پلیٹ فارم ہندوستان کے شہر گورکھ پور کا ہے جس کی لمبائی روہڑی سے کوئی دو گنا سے بھی زیادہ یعنی تقریباً 1200 میٹر (4000 فٹ) ہے۔

یہ بھی پڑھیں: متحدہ عرب امارات، بقائے باہمی کے وزیر شیخ نہیان بن مبارک النہیان کی صدر پاکستان سے ملاقات، پرامن بقائے باہمی کو فروغ دینے کی اہمیت پر زور دیا گیا

پلیٹ فارم کی خصوصیات

پلیٹ فارم کی چوڑائی کا کوئی خاص معیار نہیں ہے۔ جگہ، سہولتوں اور مسافروں کی تعداد اور آمد و رفت کے مطابق اس کی چوڑائی رکھی جاتی ہے۔ لوگ یہاں بنچوں پر یا فرش پر بیٹھ کر گاڑیوں کا انتظار کرتے ہیں اور وہاں قائم اسٹالوں سے ان کو وقتی ضرورت کی ہر شے مل جاتی ہے۔

یہ بھی پڑھیں: بیلجیئم میں سید حافظ عاصم منیر کے چیف آف ڈیفنس کے منصب پر فائز ہونے کی خوشی میں تقریب، کمیونٹی کی شرکت، پاک فوج کے حق میں نعرہ بازی

خوشگوار ماحول

بڑے اسٹیشنوں کے پلیٹ فارم پر تو ہر وقت جشن کا سا سماں ہوتا ہے۔ یہ اسٹیشن کا ایک بہت ہی ثقافتی اور کاروباری مقام ہوتا ہے۔ جہاں گاڑی کے پہنچتے ہی کچھ دیر کے لیے تو خوب ہلچل مچتی ہے۔ تب مسافروں کی ہا ہا کار کے ساتھ ساتھ پلیٹ فارم پر موجود کھانے اور دیگر سامان فروخت کرنے والے زور زور سے اپنے برتن کھڑکھڑاتے ہیں اور اپنے کھانوں کی تشہیر کے لیے خوب شور مچاتے اور مسافروں کو اپنے اسٹال کی طرف آنے کی ترغیب دیتے ہیں۔

یہ بھی پڑھیں: اب ہم بند کمروں کے فیصلے قبول نہیں کریں گے،وزیراعلیٰ خیبرپختونخوا سہیل آفریدی

چائے کا خاص مقام

کھانے پینے کے ان سجے سنورے اسٹالوں میں سب سے زیادہ مانگ چائے کی ہوتی ہے۔ تو کیوں نہ ہم بھی یہاں کھڑے ہو کر ایک کپ چائے کا پی لیں۔

یہ بھی پڑھیں: مسلم لیگ ن اور پیپلز پارٹی کے درمیان ضمنی انتخابات مل کر لڑنے کا فارمولہ طے

چائے کی طلب

چائے گرم اے گدلے پانی کے دھلتے اسٹیشن پر کس کو گرما گرم سی چائے کا پیالہ ڈھونڈھ رہا ہے۔ گاڑی میں بیٹھے بیٹھے طویل اور تھکا دینے والے سفر کے بعد جب گاڑی کسی بڑے اسٹیشن پر کچھ لمبے وقفے کے لیے رکتی ہے تو مسافروں کو سب سے زیادہ طلب چائے کی ہوتی ہے جو یہاں با آسانی اور کثرت سے مل جاتی ہے۔

چائے کے لوازمات یعنی بسکٹ، سموسے اور گرمہ گرم پکوڑے بھی ساتھ ہی موجود ہوتے ہیں اس لیے ان سے بھی بچ کر نہیں نکلا جا سکتا۔ پلیٹ فارم پر چائے ہی ایک ایسا مشروب ہے جسے آپ بے دھڑک پی سکتے ہیں شرط یہ کہ اس میں اصلی دودھ ڈالا گیا ہو۔

پرانی روایات

پرانے وقتوں میں یہ چائے مٹی کے برتنوں میں دی جاتی تھی۔ اب تو ڈسپوز ایبل کپ آ گئے ہیں جس میں لوگ ڈبوں میں بیٹھے چائے کے منتظراہل خانہ کو بھی بھاپ چھوڑتی چائے سے لطف اندوز ہونے کا موقع دیتے ہیں۔

(جاری ہے)

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں)۔ ادارے کا مصنف کی آراء سے متفق ہونا ضروری نہیں۔