وفاقی دارالحکومت میں پڑنے والے ’اولوں‘ کا سائز بڑا ہونے کی وجہ محکمہ موسمیات نے بے نقاب کردی

ڈپٹی ڈائریکٹر محکمہ موسمیات کا بیان

اسلام آباد (آئی این پی) ڈپٹی ڈائریکٹر محکمہ موسمیات انجم نذیر ضیغم نے کہا ہے کہ ٹمپریچر کنٹراسٹ ہونے کی وجہ سے اولے کا سائز بڑا ہوا۔

یہ بھی پڑھیں: پنچائت میں سچے کو سچا اور جھوٹے کو جھوٹا کہنے کے عادی ہیں، برادری ازم، معاشی اور معاشرتی ناہمواریوں کی نفی کرتے انسانیت کے قدر دان ہیں

موسمی پیشگوئی کی تفصیلات

انجم نذیر ضیغم نے نجی ٹی وی سے گفتگو کرتے ہوئے بتایا کہ گزشتہ روز طوفانی بارش اور ژالہ باری کی پیشگوئی کی جاچکی تھی۔ انہوں نے 14 اپریل کو واضح کیا تھا کہ مغربی ہواؤں کا سلسلہ داخل ہو گا۔

یہ بھی پڑھیں: آئی جی اسلام آباد پر مقدمے کیلئے پشاور کے تھانے میں درخواست جمع

ژالہ باری کا جائزہ

انہوں نے مزید کہا کہ پیشگوئی کے مطابق پوٹھوہار میں ژالہ باری اور طوفانی بارش متوقع تھی، جبکہ گزشتہ روز اسلام آباد کا درجہ حرارت 36 ڈگری سینٹی گریڈ تھا۔

مقامی حالات

انجم نذیر ضیغم نے کہا کہ مارگلہ کے قریبی علاقوں میں اولوں کا سائز بڑا تھا، جبکہ راولپنڈی کی طرف ژالہ باری نہیں ہوئی۔ اسلام آباد میں گزشتہ روز تیز ہوائیں چلیں مگر بارش زیادہ نہیں ہوئی۔ انہوں نے اس بات پر زور دیا کہ ٹمپریچر کنٹراسٹ کی وجہ سے اسلام آباد میں اولے کا سائز بڑا ہوا۔