80 سالہ مصری شخص نے 79 سالہ خاتون سے محبت کے بعد شادی کر لی

مصر میں شادی کی ایک منفرد کہانی

قاہرہ(آئی این پی) مصر میں ایک 80 سالہ شخص نے 79 سالہ خاتون سے محبت کے بعد شادی کرلی۔ عرب میڈیا رپورٹ کے مطابق دولہا یوسف کی عمر 80 سال جبکہ دلہن نادیہ کی عمر 79 سال ہے، جوڑے کی عمروں کا انکشاف ان کے برتھ سرٹیفکیٹ پر درج عمر سے کیا گیا۔

یہ بھی پڑھیں: پاک بھارت کشیدگی، بھارت کرکٹ ٹیم کے کپتان روہت شرما کا رد عمل سامنے آگیا

نادیہ کا پس منظر

رپورٹ کے مطابق دلہن نادیہ تیراکی کے پیشے سے منسلک ہیں، جو جوان دنوں مصری ماسٹرز سوئمنگ چیمپئن شپ کا بھی حصہ رہ چکی ہیں۔ نادیہ نے حال ہی میں اپنے قریبی دوست یوسف سے شادی کی ہے۔

یہ بھی پڑھیں: وقوفِ عرفہ آج ادا کیا جائے گا، حجاج کرام کی میدانِ عرفات آمد جاری

سوشل میڈیا پر جوڑے کی محبت

نادیہ اور یوسف کی کہانی اس وقت سوشل میڈیا پر جنگل میں آگ کی طرح پھیلی جب نادیہ کے داماد کریم کی جانب سے عمر رسیدہ جوڑے کی شادی کی خوبصورت تصویر سوشل میڈیا پر پوسٹ کی گئی۔

یہ بھی پڑھیں: 50 جنگی جہازوں، 8 جدید آبدوزوں نے بھارت کی نیندیں حرام کردیں

داماد کریم کی محبت بھری پوسٹ

داماد کریم نے اپنی شادی کی تصویر کے ساتھ ایک خوبصورت پوسٹ بھی شیئر کی جس میں درج تھا: "میں آج تک جتنی بھی شادیوں میں شریک ہوا، یہ شادی ان میں سب سے زیادہ ہنگامہ خیز تھی۔" کریم کی پوسٹ میں یہ انکشاف بھی کیا گیا کہ نیا جوڑا اپنا ہنی مون منائے گا اور اس کے بعد ماسٹر تھیسز اور ایتھلیٹک چیمپئن شپ مکمل کرے گا۔

نادیہ کا فلسفہ

رپورٹ کے مطابق دلہن نادیہ کا کہنا ہے کہ "عمر پیدائشی سرٹیفکیٹ پر لکھے گئے نمبر سے زیادہ کچھ نہیں، جوانی دل میں ہوتی ہے۔ جب تک انسان کا دل دھڑکتا ہے، اسے اپنی زندگی کا ہر لمحہ جینا چاہیے اور اپنے خوابوں کی تعبیریں تلاش کرتے رہنا چاہیے۔"