معاشی استحکام حقیقی لیکن یہ عالمی منڈی کا مرہون منت ہے: مفتاح اسماعیل

معاشی استحکام کی حقیقت

کراچی(ڈیلی پاکستان آن لائن )سابق وزیر خزانہ اور عوام پاکستان پارٹی کے سیکرٹری جنرل مفتاح اسماعیل کا کہنا ہے کہ اس وقت معاشی استحکام تو حقیقی ہے لیکن یہ عالمی منڈی میں تیل اور دیگر اجناس کی قیمتوں کا مرہون منت ہے۔

یہ بھی پڑھیں: حکومت نے پاسپورٹس کی نئی فیسوں کا اعلان کر دیا

سرگرمیوں کا اثر

نجی ٹی وی جیو نیوز کے ایک پروگرام میں گفتگو کرتے ہوئے مفتاح اسماعیل نے کہا کہ معاشی استحکام حقیقی ہے اس میں شک نہیں ہے لیکن دنیا بھر میں تیل کی قیمت کم ہوئی ہے اور دیگر چیزوں کی بھی قیمتیں کم ہوئی ہیں۔ اس کی وجہ سے جو فارن ایکسچینج کی ضرورت ہوتی ہے، اس میں ڈالر بچ جاتے ہیں جس کی وجہ سے کرنٹ اکاﺅنٹ سرپلس بھی ہو رہا ہے اور ریزرو بھی بڑھ رہے ہیں۔

یہ بھی پڑھیں: پاکستان سپر لیگ، غیر ملکی کھلاڑیوں کی رجسٹریشن کا عمل شروع

مستقبل کی چیلنجز

انہوں نے کہا کہ اگر تیل کی قیمت 80،90 ڈالر پر بھی گئی تو ہماری معیشت میں اتنی طاقت نہیں کہ ہم استحکام برقرار رکھ سکیں۔ حکومت نے کسی قسم کا ریفارم نہیں کیا اور وقت ضائع کیا ہے۔ پائیدار معاشی استحکام کے لیے حکومت نے جو بنیادی اصلاحات کرنی تھیں وہ نہیں کیں۔

تجزیہ کاروں کی رائے

پروگرام میں شریک سینئر تجزیہ کار شہزاد اقبال نے کہا کہ نہ تو اسٹیبلشمنٹ اپنی پوزیشن سے ہٹ کر کوئی ڈیل کرے گی اور بظاہر ایسا لگ رہا ہے کہ عمران خان بھی نہیں کریں گے۔ سینئر تجزیہ کار عاصمہ شیرازی کا ماننا ہے کہ تحریک انصاف کے لیے راہیں نکلنے کے مواقع موجود تھے اور ابھی بھی نکل سکتی ہیں لیکن سب سے بڑی رکاوٹ اس میں تحریک انصاف خود نظر آتی ہے۔