لیسکو چیف ایگزیکٹو رمضان بٹ کی زیر صدارت سرکل ہیڈز کا اجلاس، بجلی چوروں کیخلاف اہم فیصلے

اجلاس کا انعقاد

لاہور (طیبہ بخاری سے) لیسکو ہیڈ کوارٹر میں چیف ایگزیکٹو رمضان بٹ کی زیر صدارت سرکل ہیڈز کا اجلاس منعقد ہوا، جس میں اہم فیصلے کیے گئے۔

یہ بھی پڑھیں: سعودی عرب جانے جانے والے خواتین سمیت 9 افراد کو جہاز سے اتار لیا گیا لیکن کیوں ؟ حیران کن انکشاف

اجلاس کی تفصیلات

تفصیلات کے مطابق، چیف ایگزیکٹو لیسکو انجینئر محمد رمضان بٹ کی زیر صدارت لیسکو ہیڈ کوارٹر میں ایک اہم اجلاس ہوا۔ اس اجلاس میں ڈائریکٹر کسٹمر سروسز محمد عباس، تمام آپریشن سرکلز کے سپرنٹنڈنگ انجینئرز (SEs)، ڈپٹی کمرشل منیجرز (DCMs) اور ڈپٹی ڈائریکٹر ٹیکنیکل (DDTs) نے شرکت کی۔

یہ بھی پڑھیں: صدر نے پٹرولیم ترمیمی بل 2025 کی منظوری دے دی

بجلی چوری کے خاتمے کی ہدایات

چیف ایگزیکٹو لیسکو نے افسران سے خطاب کرتے ہوئے ہدایت کی کہ ریکوری میں بہتری اور بجلی چوری کے خاتمے کے عمل کو مؤثر اور بہتر بنایا جائے، خصوصاً بجلی چوری کے خاتمے کے لیے اقدامات کو تیز کیا جائے۔ انہوں نے واضح الفاظ میں کہا کہ بجلی چوری کے خلاف زیرو ٹالیرنس کی پالیسی اپنائی گئی ہے اور اس کو کسی صورت میں معاف نہیں کیا جائے گا۔

یہ بھی پڑھیں: قومی ویمن ٹیم کی سابق کپتان ثناء میر کا گم ہوجانے والا پرس معجزاتی طور پر واپس مل گیا

آپریشنز کو تیز کرنے کی ہدایات

انجینئر رمضان بٹ نے ڈسکو سپورٹ یونٹ کی کارکردگی کو سراہتے ہوئے ہدایت کی کہ بجلی چوروں کے خلاف جاری آپریشنز کو مزید تیز کیا جائے اور سخت قانونی کارروائی عمل میں لائی جائے۔

یہ بھی پڑھیں: اسٹیٹ بینک کی پالیسی سے حکومت پر 3 کھرب روپے کا اضافی بوجھ

صارفین کی بہتری پر توجہ

چیف ایگزیکٹو نے افسران کو ہدایت کی کہ لیسکو صارفین ہماری اولین ترجیح ہیں، لہٰذا دفتر میں آنے والے صارفین کے مسائل کو ترجیحی بنیادوں پر حل کیا جائے اور انہیں ہر ممکن سہولت فراہم کی جائے۔ انہوں نے واضح کیا کہ لیسکو میں میٹریل کی کوئی کمی نہیں ہے، افسران اپنی ذمہ داریاں مؤثر انداز میں نبھائیں اور انہیں مکمل سپورٹ فراہم کی جائے گی۔

وزیر اعظم کے ویژن کے مطابق خدمات

چیف ایگزیکٹو انجینئر رمضان بٹ نے اس عزم کا اعادہ کیا کہ لیسکو وزیراعظم محمد شہباز شریف اور وفاقی وزیر توانائی سردار اویس لغاری کے ویژن کے مطابق بجلی کی بہتر ترسیل اور صارفین کی خدمت کے مشن پر عمل پیرا ہے۔