حج 2025؛ شدید گرمی اور لو سے بچنے کیلئے انتظامات مکمل،خصوصی ہدایات جاری

حج کی آمد اور تیاریاں

مکہ مکرمہ (ڈیلی پاکستان آن لائن) حج کی آمد آمد ہے اور اس دوران اللہ کے مہمانوں کی خاطر داری کے لیے منصوبہ بندی کر لی گئی ہے۔

یہ بھی پڑھیں: ہمارا معاشرہ انتہائی اذیت ناک اندازہائے فکر پر مشتمل ہے، آپ تمام عمر سر جھکائے اپنی موت تک افسردگی کے عالم میں پشیمانی میں مبتلا رہتے ہیں

وزارتِ حج و عمرہ کے خصوصی انتظامات

نجی ٹی وی ایکسپریس نیوز نے عرب میڈیا کے حوالے سے بتایا کہ وزارتِ حج و عمرہ نے حاجیوں کی صحت کو مقدم رکھتے ہوئے متوقع شدید گرمی اور لو کے پیش نظر خصوصی انتظامات کئے ہیں۔ اس حوالے سے 'حج آگاہی مرکز' کے تعاون سے ایک مہم کا آغاز کیا گیا ہے۔

یہ بھی پڑھیں: لاہور میں سبق یاد نہ ہونے پر استاد نے 10 سالہ طالب علم کو بیہمانہ تشدد کا نشانہ بنا ڈالا

حفاظتی تدابیر

مہم میں حجاج کو سورج کی تپش اور گرمی سے بچاؤ کے حوالے سے معلومات فراہم کی جا رہی ہیں۔ وزارت نے ایک حفاظتی کتابچہ بھی شائع کیا ہے جس میں تین اہم حفاظتی اقدامات تجویز کئے گئے ہیں:

غیر ضروری طور پر دن کے وقت باہر نہ نکلیں، اور اگر باہر نکلا جائے تو سر کو ڈھانپ کر رکھیں یا چھتری کا استعمال کریں۔
پانی کا استعمال زیادہ رکھیں اور پسینہ بہنے سے روکیں۔
سایہ دار مقامات پر آرام کریں اور سخت جسمانی کام نہ کریں۔

یہ بھی پڑھیں: پیرو میں چینی سرمایہ کاری سے تیار کردہ بندرگاہ جو امریکی دفاعی ماہرین کے لیے تشویش کا باعث بنی

مزید ہدایات

حجاج کو ہدایت کی گئی ہے کہ وہ پرسکون رہیں اور شدید گرمی میں جلد بازی سے گریز کریں۔ خیال رہے کہ پہلے ہی حاجیوں کو شدید گرمی سے بچانے کے لئے دونوں مقدس مساجد میں خصوصی انتظامات کئے گئے ہیں۔

یہ بھی پڑھیں: توشہ خانہ میں تحائف جمع نہ کروانے پر بنگلہ دیشی حکام نے سابق وزیراعظم شیخ حسینہ واجد کا 10 کلو سونا ضبط کر لیا

پانی کی فراہمی اور سایہ دار مقامات

اس کے تحت زیادہ سے زیادہ سایہ دار مقامات تیار کئے گئے ہیں، پینے کے ٹھنڈے پانی کی فراہمی کو ممکن بنایا گیا ہے اور فضا میں پانی چھڑکاؤ کو بھی یقینی بنایا جائے گا۔