کیا شادی سے قبل دلہا دلہن کا تھیلیسیمیا ٹیسٹ لازمی ہوگا؟ قائمہ کمیٹی اجلاس میں بحث

قومی اسمبلی کی قائمہ کمیٹی برائے صحت کا اجلاس

اسلام آباد(ڈیلی پاکستان آن لائن) قومی اسمبلی کی قائمہ کمیٹی برائے صحت میں شادی سے قبل دلہا دلہن کے تھیلیسیمیا کے لازمی ٹیسٹ کے حوالے سے بحث ہوئی۔

یہ بھی پڑھیں: کبھی اقرار کی صورت کبھی انکار کی صورت۔۔۔

کمیٹی کا اجلاس

نجی ٹی وی ایکسپریس نیوز کے مطابق کمیٹی کا اجلاس ڈاکٹر مہیش کمار کی سربراہی میں شروع ہوا، جس میں رکن قومی اسمبلی شرمیلا فاروقی نے تھیلیسمیا بل پر اظہار خیال کرتے ہوئے کہا کہ تھیلیسیمیا مائنر والے والدین کی شادی پر ہم پابندی نہیں لگوا رہے، بلکہ شادی سے قبل دلہا اور دلہن کے تھیلیسیمیا ٹیسٹ کی بات کر رہے ہیں۔

یہ بھی پڑھیں: پشاور پولیس لائن خود کش حملے کا مرکزی ملزم کانسٹیبل گرفتار

تھیلیسیمیا کی صورتحال

شرمیلا فاروقی نے مزید کہا کہ 5 سے 8 فیصد آبادی تھیلیسیمیا مائنر ہیں اور اسلام آباد میں یہ ٹیسٹ ایک پائلٹ پراجیکٹ کے طور پر کرنا چاہتے ہیں۔ شادی سے قبل ٹیسٹ کو لازمی قرار نہیں دیں گے، بلکہ دلہا دلہن کی رضامندی سے ٹیسٹ کروائے جائیں گے۔

یہ بھی پڑھیں: ڈاکٹرز نے بھی بحریہ ٹاؤن میں پروجیکٹ لانچ کر دیا، 1 اور 2 بیڈ اپارٹمنٹس، اتنے سستے جو آپ کو پورے بحریہ میں نہیں ملیں گے.

اجلاس میں مزید بحث

دورانِ اجلاس، سپیشل سیکرٹری نے بتایا کہ لا ڈویژن سے ابھی بل پر جواب نہیں آیا اور مزید بیماریوں کو بھی شامل کرنا چاہتے ہیں۔ شرمیلا فاروقی نے کہا کہ پرائیویٹ ممبر کو سپورٹ نہیں کیا جاتا، میں تھیلیسیمیا کے حوالے سے بل لائی ہوں۔

یہ بھی پڑھیں: پاکستان نے کلبھوشن کے بعد ایک اور بھارتی جاسوس پکڑ لیا، اعزاز چوہدری

بل کی منظوری

اعجاز جاکھرانی نے بل کی تعریف کرتے ہوئے کہا کہ یہ اچھا بل ہے اور اس میں روڑے اٹکانے کی کوشش کی جا رہی ہے۔ ہمیں اس بل کو متفقہ طور پر پاس کرنا چاہئے، ووٹنگ نہیں کروائیں گے۔ بعد ازاں جے یو آئی کی ممبر عالیہ کامران کے سوا تمام ممبران نے بل پاس کر دیا۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

نرسنگ کونسل کی عدم شرکت

علاوہ ازیں اجلاس میں چیئرمین کمیٹی نے نرسنگ کونسل کی جانب سے کمیٹی میں عدم شرکت پر انتظامیہ کو شوکاز نوٹس جاری کرنے کا حکم دیا۔ سپیشل سیکرٹری نے کہا کہ نرسنگ کونسل کے لوگ عدالتی حکم امتناع کے پیچھے چھپ رہے ہیں۔

یہ بھی پڑھیں: بلاول عوامی مینڈیٹ سے پاکستان کے اگلے نوجوان وزیراعظم ہوں گے، صدر زرداری

وزارت صحت سے سوالات

چیئرمین کمیٹی نے کہا کہ سپیکر کو لیٹر لکھیں اور ان کے خلاف ایکشن لیں گے۔ سیکرٹری ہیلتھ سے سوال کیا گیا کہ ایف آئی اے کو جو جواب جمع کروایا گیا، وہ کس کے کہنے پر جمع ہوا۔ بیس میٹنگز میں آدھا وقت نرسنگ کونسل میں ضائع ہوا ہے۔

رکن اسمبلی کے خدشات

رکن اسمبلی نثار احمد نے کہا کہ ایک سال سے آپ لوگ جواب مانگ رہے ہیں، مزید ایک سال انتظار کریں، ان کا وقت ختم ہو جائے گا۔ عالیہ کامران نے سوال کیا کہ وزٹ ویزا پر جا کر ایک خاتون کیسے ڈگری حاصل کر سکتی ہے؟ وزارت صحت آئیں بائیں شائیں کر رہی ہے۔