بھارت میں سابق اہم پولیس افسر کا قتل، بیوی کی گوگل سرچ ہسٹری کا جائزہ لیا گیا تو معمہ ہی حل ہو گیا، حیران کن انکشاف

بنگلور میں ریٹائرڈ ڈی جی پی کا قتل

ممبئی (ڈیلی پاکستان آن لائن ) بنگلور کرناٹک پولیس کے ریٹائرڈ ڈائریکٹر جنرل ڈی جی پی اوم پرکاش کے قتل کا معاملہ نیا رُخ اختیار کر چکا ہے، جب کہ اس ہائی پروفائل کیس کی تحقیقات نے کئی چونکا دینے والے انکشافات کیے ہیں۔

یہ بھی پڑھیں: دلیپ کمار سے طلاق کے بعد اسما کیوں بیرون ملک جانے پرمجبور ہوئیں؟

ملزمہ کی مشکوک سرگرمیاں

بھارتی میڈیا کے مطابق مقتول کی بیوی پَلاوی، جو اس کیس کی مرکزی ملزمہ قرار دی جا چکی ہیں، واردات سے قبل مسلسل پانچ دن تک گوگل پر یہ سرچ کرتی رہیں کہ گردن کے قریب خون کی رگیں کاٹنے سے موت کیسے واقع ہوتی ہے۔

یہ بھی پڑھیں: سکولوں میں 5 ہزار نئے کلاس رومز بنانے کی منظوری، موبائل بس لائبریری پراجیکٹ لانچ کرنے پر غور

واقعہ کی تفصیلات

اوم پرکاش کو اتوار کی شام ان کے بنگلور میں واقع گھر پر چاقو کے وار سے قتل کیا گیا تھا۔ ابتدائی تحقیقات کے مطابق اُنہیں تیز دھار ہتھیار سے نشانہ بنایا گیا تھا، پولیس نے قتل کے شبہے میں اُن کی بیوی اور بیٹی کو حراست میں لے کر پوچھ گچھ شروع کی، پَلاوی کو پیر کے روز عدالت میں پیش کیا گیا، جہاں سے انہیں 14 روزہ عدالتی تحویل میں بھیج دیا گیا، جب کہ بیٹی کرِتی کو ’نِمنس اسپتال‘ میں نفسیاتی معائنے کے لیے داخل کر دیا گیا ہے۔

یہ بھی پڑھیں: جاپان کا پاکستان میں انسداد پولیو مہم کیلئے 31 لاکھ ڈالر گرانٹ کا اعلان

گھریلو تشدد کا دعویٰ

پولیس ذرائع کا کہنا ہے کہ پَلاوی کو تفتیشی عمل کے دوران جائے واردات پر لے جایا گیا، جہاں وہ ’گھریلو تشدد‘ کا ذکر کرتی رہیں۔ قتل سے قبل پَلاوی نے مختلف واٹس ایپ گروپس میں پیغامات بھیجے، جن میں انہوں نے دعویٰ کیا کہ وہ اپنے ہی گھر میں یرغمال بنی ہوئی ہیں اور ان پر مسلسل نگرانی کی جا رہی ہے۔ انہوں نے زہر دیے جانے اور بیٹی کی حفاظت سے متعلق گہرے خدشات کا اظہار بھی کیا۔

تفتیش کی پیش رفت

بنگلور پولیس کمشنر بی دایانند نے اس ہائی پروفائل مقدمے کی حساسیت کو مدنظر رکھتے ہوئے تفتیش کا معاملہ مرکزی جرائم برانچ کے سپرد کر دیا ہے، جو آج سے باضابطہ طور پر تحقیقات کا آغاز کرے گی۔