امریکا کے ساتھ غیر ٹیرف رکاوٹوں کو ختم کرنے پر بات چیت جاری ہے: وفاقی وزیرخزانہ

پاکستان اور امریکا کے معاشی روابط

واشنگٹن (ڈیلی پاکستان آن لائن) وفاقی وزیر خزانہ محمد اورنگزیب نے کہا ہے کہ ہم امریکا کے ساتھ بڑے پیمانے پر معاشی روابط بڑھانا چاہتے ہیں۔

امریکی وفد کا دورہ

وزیر خزانہ نے اس سلسلے میں جلد ہی ایک سرکاری وفد امریکا آنے کی اطلاع دی۔ ڈان نیوز کے مطابق، انہوں نے عالمی جریدے بلوم برگ کو انٹرویو دیتے ہوئے بتایا کہ ہم تعمیری انداز میں آگے بڑھیں گے۔

غیر ٹیرف رکاوٹوں کا خاتمہ

وزیر خزانہ نے کہا کہ امریکا کے ساتھ غیر ٹیرف رکاوٹوں کو ختم کرنے پر بات چیت جاری ہے تاکہ امریکی مصنوعات کے لئے پاکستانی منڈیوں کے دروازے کھل سکیں۔ اگر پاکستانی مارکیٹ میں امریکی مصنوعات کی کوئی غیر ضروری جانچ پڑتال یا رکاوٹیں ہیں تو انہیں ختم کرنے کا جائزہ لینے کو تیار ہیں۔

امریکی سرمایہ کاری کی حوصلہ افزائی

محمد اورنگزیب نے انٹرویو میں کہا کہ ہم پاکستان میں امریکی فرموں کی سرمایہ کاری کا خیرمقدم کرتے ہیں، خصوصی طور پر کان کنی اور معدنیات کے نئے شعبوں میں امریکی سرمایہ کاری کی حوصلہ افزائی کریں گے۔

زرعی مصنوعات کی خریداری

انہوں نے مزید کہا کہ پاکستان امریکا سے مزید کپاس اور سویا بین خریدنے کا خواہش مند ہے۔

پائیدار ترقی کی خواہش

وزیر خزانہ کا کہنا تھا کہ پاکستان معیشت کو پائیدار ترقی کی راہ پر ڈالنے کا خواہشمند ہے اور ترقی کے سفر میں سرمائے کے حصول کے لئے عالمی مالیاتی منڈیوں سے رجوع کریں گے۔

معاشی استحکام کا عزم

انہوں نے مزید کہا کہ پاکستان کو معاشی اتار چڑھاو¿ کے چکر سے نکالنا ہمارا نصب العین ہے اور حکومت پاکستان کو مستحکم ترقی کے سفر پر گامزن کرنے کے لئے پرعزم ہے۔