یہ عمر سرفراز چیمہ وہ ہے جو گورنر رہے ہیں؟ سپریم کورٹ کا استفسار

اسلام آباد میں عمر سرفراز چیمہ کا کیس

اسلام آباد(ڈیلی پاکستان آن لائن) پی ٹی آئی رہنما عمر سرفراز چیمہ کے جسمانی ریمانڈ کے کیس میں جسٹس ہاشم کاکڑ نے استفسار کیا کہ کیا یہ عمر سرفراز چیمہ وہ ہیں جو گورنر رہے ہیں؟ وکیل پی ٹی آئی رہنما نے جواب دیا کہ جی! عمر سرفراز چیمہ سابق گورنر ہیں۔

یہ بھی پڑھیں: روس موجودہ افغان طالبان حکومت کو تسلیم کرنے والا پہلا ملک بن گیا

عمر سرفراز چیمہ کی صحت کی حالت

عمر سرفراز چیمہ کے کندھے فریز ہو چکے ہیں اور وہ 2 ماہ سے ہسپتال میں ہیں۔

یہ بھی پڑھیں: یکم جنوری 2028 سے ملک سے سود کا نظام ختم ہوجانا چاہیے، مولانا فضل الرحمان کا بیان

سماعت کی تفصیلات

نجی ٹی وی چینل دنیا نیوز کے مطابق، پی ٹی آئی رہنما عمر سرفراز چیمہ کے جسمانی ریمانڈ کے کیس کی سماعت ہوئی۔ پنجاب حکومت نے اپیل پر دلائل کیلئے مہلت کی استدعا کردی۔

قانونی کارروائیوں کا پس منظر

سپیشل پراسیکیوٹر نے کہا کہ عمر سرفراز چیمہ 9 مئی کو پستول سے مسلح تھے اور برآمدگی کرنی ہے۔ جسٹس اشتیاق ابراہیم نے اس بات پر زور دیا کہ سپریم کورٹ 4 مہینے میں فیصلے کا حکم دے چکی ہے۔ عدالت نے پنجاب حکومت کی استدعا پر سماعت کو غیرمعینہ مدت تک ملتوی کردیا۔