مہندراسنگھ دھونی روزانہ کتنا دودھ پیتے ہیں؟ آخر کار سابق بھارتی کپتان کھل کر بول پڑے

دھونی نے دودھ پینے کی افواہوں پر ردعمل دیا

ممبئی (ڈیلی پاکستان آن لائن )بھارتی ٹیم کے سابق کپتان مہندرا سنگھ دھونی نے 5 لیٹر دودھ پینے اور واشنگ مشین میں لسی بنانے والی افواہوں پر ردعمل دے دیا۔

یہ بھی پڑھیں: بانی پی ٹی آئی کے قریبی دوست عمران چودھری انتقال کر گئے

پروموشنل ایونٹ میں سوالات

حال ہی میں آئی پی ایل کی فرنچائز ٹیم چنئی سپر کنگز کے کپتان ایم ایس دھونی نے ایک پروموشنل ایونٹ میں شرکت کی تھی جس دوران سابق بھارتی کپتان سے سوال ہوا کہ انہوں نے اپنے لیے سب سے عجیب افواہ اب تک کیا سنی؟ اس کے جواب میں دھونی نے بتایا کہ 'میں روزانہ 5 لیٹر دودھ پیتا ہوں'۔

یہ بھی پڑھیں: فیک نیوز شائع کرنے پر اخبار کو لیگل نوٹس جاری

پرانی افواہیں

یاد رہے کہ 2000 کی دہائی میں افواہیں سامنے آئیں تھیں کہ ایم ایس دھونی کی تندرستی کا راز روزانہ 5 کلو دودھ کا استعمال ہے، جبکہ دھونی واشنگ مشین میں لسی بناتے ہیں۔ دوسری جانب دھونی نے واشنگ مشین میں لسی بنانے کی افواہوں کو بھی مسترد کردیا ہے۔

یہ بھی پڑھیں: کونسی بھارتی اداکارہ فلم کے سب سے زیادہ پیسے لیتی ہیں؟ جواب جان کر آپ کو یقین نہیں آئے گا

دھونی کا دودھ پینے کا اصل واقعہ

ماضی میں بھی دھونی نے اپنے ایک انٹرویو میں بتایا تھا کہ میں دن بھر میں ایک لیٹر دودھ پیتا ہوں لیکن مزید 4 لیٹر بہت زیادہ ہے۔ 43 سالہ دھونی 2020 میں انٹرنیشنل کرکٹ سے ریٹائرمنٹ لے چکے ہیں لیکن تاحال آئی پی ایل کا حصہ ہیں۔

کارکردگی کی بات

اگرچہ دھونی ان دنوں گھٹنے کے مسائل سے نبرد آزما ہیں لیکن وہ اس سیزن میں صورتحال کو بہتر طریقے سے سنبھالتے ہوئے 8 میچز میں 150 سے زیادہ کے اسٹرائیک ریٹ پر 134 رنز بنا چکے ہیں۔