معروف ترک سوشل میڈیا انفلوئنسر ’ترکان آتائے‘ نے ’ماریہ بی ‘ سنگین الزام لگا دیا، بڑا دعویٰ

ماریہ بی پر ترکان آتائے کا فراڈ کا الزام

لاہور (ڈیلی پاکستان آن لائن )ترکیہ کی معروف سوشل میڈیا انفلوئنسر ’ترکان آتائے‘ نے پاکستان کی نامور فیشن ڈیزائنر ’ماریہ بی‘ پر فراڈ کا الزام عائد کرتے ہوئے کہا کہ انہیں خدمات کا مکمل معاوضہ ادا نہیں کیا گیا ۔

یہ بھی پڑھیں: ذوالفقار علی بھٹو جونیئر کے جے ڈی اے میں شامل ہونے کی افواہوں کی حقیقت سامنے آگئی

ترکان آتائے کا تعارف

تفصیلات کے مطابق ترکی کی مشہور ڈیجیٹل کریئیٹر اور سوشل میڈیا انفلوئنسر ترکاں آتائے، جنہوں نے پاکستان سے تعلیم حاصل کی اور اپنے یونیورسٹی فیلو اور دوست ذکا سے شادی کی، ترکاں کو اکثر لوگ ”پاکستانی بھابھی“ کے نام سے بھی جانتے ہیں۔ انسٹاگرام پر ان کے فالوورز کی تعداد 8 لاکھ 53 ہزار ہے اور وہ اردو زبان میں ڈیجیٹل مواد تیار کرتی ہیں، جس کی وجہ سے پاکستان میں ان کے مداحوں کی ایک بڑی تعداد موجود ہے۔

یہ بھی پڑھیں: برطانیہ: لڑکیوں سے زیادتی کرنے والے 20 ملزمان کو مجموعی طور پر 219 سال قید کی سزا

معاوضے کے معاملات

ترکان نے سوشل میڈیا پر اپنے ویڈیوز میں کہا کہ میں نے اپنی اسٹوریز میں پہلے بھی بتایا تھا کہ مجھے ماریہ بی نامی برانڈ کے ساتھ مسائل کا سامنا ہے، کئی لوگ سمجھ گئے تھے کہ یہ برانڈ ماریہ بی ہی ہوگا۔ 2025 میں انہوں نے ترکی میں شوٹ کے لیے مجھ سے دوبارہ رابطہ کیا، یہاں ترکی میں ہمیں شوٹ کے لیے جگہ، ماڈلز، اور دیگر چیزوں کا خرچ خود اٹھانا ہوتا ہے، اسی لیے میں نے ہر لباس کے حساب سے معاوضہ مانگا۔ میں نے انہیں کوٹیشن دی اور تمام میسجز میرے پاس موجود ہیں، میں نے ویڈیوز بنائیں، پوسٹ کیں اور اپنا کام مکمل کیا۔

یہ بھی پڑھیں: چوہدری سالک حسین نے ای او بی آئی پیشنرز کو بڑی خوشخبری سنادی

ترکان آتائے کا تجربہ

ترکان نے مزید کہا کہ ماریہ بی نے مجھے ایک ہی بار رقم دی حالانکہ میں نے واضح طور پر ہر لباس کے عیوض معاوضہ طے کیا تھا۔ بعد میں انہوں نے کہا کہ شاید کوئی غلط فہمی ہو گئی کیونکہ وہ انسٹاگرام ریلز کے حساب سے ادائیگی کرتے ہیں۔ انہوں نے بتایا کہ اب 3 ماہ ہو چکے ہیں اور وہ میرا وقت ضائع کر رہے ہیں، مجھے بےوقوف بنا رہے ہیں، یہ میرے پیسے ہیں، اور مجھے پورا حق ہے کہ میں ان سے جو چاہوں کروں، میں دوبارہ کبھی ان کے ساتھ کام نہیں کروں گی، ان کا رویہ نہایت غیر پیشہ ورانہ ہے۔

یہ بھی پڑھیں: سوشل میڈیا پر بھارتی جھوٹے بیانیے کو بدترین شکست، “گودی میڈیا” کی سازش بے نقاب، پاکستانی میڈیا نے منہ توڑ جواب دیدیا، مودی تنقید کی زد میں

سوشل میڈیا پر ردعمل

ترکان نے انسٹاگرام پر مزید انکشافات کرتے ہوئے کہا کہ ماریہ بی نے میرے خلاف اسٹوریز شیئر کیں لیکن ماریہ باجی! آپ کی آواز بہت اونچی ہے، میں سب سن رہی ہوں، میرے پاس ہماری پوری چیٹ کے ثبوت موجود ہیں۔

یہ بھی پڑھیں: سندھ میں گندم سکینڈل کا ڈراپ سین ہو گیا

پیغامات اور شواہد

انہوں نے بتایا کہ جب میں نے ان سے رابطہ کیا تو انہوں نے کہا کہ یہ معاملات ان کا مینیجر دیکھتا ہے، میرے شوہر نے بھی ان سے بات کی لیکن بعد میں انہوں نے اپنے تمام پیغامات ڈیلیٹ کر دیے۔ میں وہ اسکرین شاٹس بھی یہاں شیئر کروں گی، اگر آپ صحیح تھیں تو اپنے پیغامات کیوں ڈیلیٹ کیے؟ ہمیں مکمل ادائیگی کیوں نہیں کی؟

صارفین کے تبصرے

دوسری جانب سوشل میڈیا پر اس تنازعے پر صارفین نے ماریہ بی پر سخت تنقید کی ہے اور کہا ہے کہ وہ ہمیشہ مذہب کارڈ کھیل کر اپنی ساکھ بچانے کی کوشش کرتی ہیں۔ ایک صارف نے لکھا کہ 'ترکان نے آخرکار ماریہ بی کو ایکسپوز کر دیا' جبکہ دیگر صارفین کا کہنا تھا کہ 'ادائیگیوں کے معاملے میں زیادہ تر برانڈز کا یہی رویہ ہوتا ہے'۔