کالج آف فزیشنز اینڈ سرجنز پاکستان کا 58 واں کانووکیشن، وفاقی ٹیکس محتسب ڈاکٹر آصف محمود جاہ کو فیلو شپ کی ڈگری سے نوازا گیا
کانووکیشن کی تقریب
کوئٹہ (ڈیلی پاکستان آن لائن) کالج آف فزیشنز اینڈ سرجنز پاکستان کے 58 ویں کانووکیشن کی تقریب کوئٹہ میں منعقد ہوئی جس میں 104 ڈاکٹرز کو ایف سی پی ایس اور ایم بی بی ایس سی کی ڈگریاں دی گئیں۔
یہ بھی پڑھیں: وزیر تعلیم نے پوزیشن ہولڈر طلباء کیلئے انعام کی رقم بڑھانے کا اعلان کر دیا
مہمان خصوصی کی تقریر
سی پی ایس پی کے صدر پروفیسر ڈاکٹر خالد مسعود گوندل نے تقریب کے مہمان خصوصی وفاقی ٹیکس محتسب ڈاکٹر آصف محمود جاہ کو ان کی پیشہ ورانہ اور سماجی خدمات کے اعتراف میں انہیں فیلو شپ کی ڈگری سے بھی نوازا۔
یہ بھی پڑھیں: سینئر صحافی محسن بیگ نے حکومت کے معاشی اشاریوں میں بہتری کے دعووں پر سوالات اٹھا دیئے
ڈاکٹر آصف محمود جاہ کا پیغام
اس موقع پر ڈاکٹر آصف محمود جاہ نے میڈیکل گریجویٹس کو مبارکباد دیتے ہوئے کہا کہ بلوچستان کے بیٹے اور بیٹیاں اس دھرتی کے وارث ہیں اور انھوں نے ہی اپنے صوبے کے لیے کام کرنا ہے۔ انہوں نے سال 2022 میں سیلاب اور دیگر آفات میں بلوچستان کے متاثرین کی خدمت کا ذکر کیا۔
شرکاء کی موجودگی
اس تقریب میں قائم مقام گورنر بلوچستان عبد الخالق اچکزئی، صوبائی وزیر صحت بخت کاکڑ سمیت صوبائی وزراء اور ارکان اسمبلی بھی شریک تھے۔
