بھارت کے فالس فلیگ آپریشنز کی شرمناک تاریخ

لاہور (طیبہ بخاری سے) پہلگام حملہ بھارت کے فالس فلیگ آپریشنز کی شرمناک تاریخ میں ایک اور اضافہ ہے۔

یہ بھی پڑھیں: ڈی چوک احتجاج: عمران خان پر منصوبہ بندی کا مقدمہ درج

بھارت کی پرانی روایات

پاکستان پر من گھڑت الزام تراشی بھارت کی پرانی روایت ہے، جو ہائبرڈ وار سکرپٹ کا حصہ ہے۔ پاکستان کو بدنام کرنا اور عوام کی توجہ ہٹا کر انتخابات چوری کرنا بھارت کا پرانا حربہ ہے۔

یہ بھی پڑھیں: مردان: اراضی تنازع پر فائرنگ، میاں بیوی اور بیٹا قتل

بھارت کے فالس فلیگ آپریشنز

پہلگام کی طرح بھارت کے فالس فلیگ آپریشنز کی شرمناک داستان طویل ہے۔ 2007ء میں سمجھوتہ ایکسپریس سانحہ میں 68 افراد کی ہلاکت کا الزام پاکستان پر عائد کیا گیا۔ سمجھوتہ ایکسپریس کی تحقیقات میں میجر رمیش سمیت ہندو انتہاپسندوں کا کردار سامنے آیا۔

یہ بھی پڑھیں: پاک بھارت کشیدگی میں اضافہ، آگے کیا ہوسکتا ہے؟ سی این این کی رپورٹ آگئی۔

ماضی کے واقعات

1. 2008 میں ممبئی حملے پاکستان کو عالمی سطح پر بدنام کرنے کے لیے استعمال کیے گئے۔
2. 2013 میں سابق سی بی آئی افسر ستیش ورما نے انکشاف کیا کہ ممبئی حملے بھارتی حکومت نے خود کرائے۔ اس کا مقصد انسداد دہشت گردی کے سخت قوانین پاس کروانا تھا۔



3. تیرہ اپریل 2018 کو کیرالہ میں سیاحوں پر حملہ کرایا گیا، تحقیقات میں سامنے آیا کہ حملے مدھیہ پردیش اور راجستھان کے انتخابات سے قبل سیاسی مقاصد کا حصول تھے۔
4. پلوامہ کے حملے میں 2019ء میں 40 بھارتی فوجی ہلاک ہوئے۔ پلوامہ حملے کا الزام بھی مودی سرکار نے بغیر ثبوت فوراً پاکستان پر لگایا۔ سابق گورنر نے پلوامہ حملے کی سازش کا پردہ چاک کرکے مودی سرکار کو بے نقاب کیا۔



5. راجوڑی میں 2023 میں 5 بھارتی فوجیوں کی ہلاکت کا ملبہ بھی پاکستان پر ڈالا گیا۔ راجوڑی میں حملہ بی جے پی کے اینٹی پاکستان مسلمان بیانیے کو مزید جواز دینے کی سازش تھا۔

یہ بھی پڑھیں: حکومت کا پرائمری سطح پر مصنوعی ذہانت کی تعلیم متعارف کرانے کا فیصلہ

پہلگام میں حالیہ حملہ

پہلگام میں 22 اپریل کو ہونے والا حملہ بھی فالس فلیگ آپریشن کا تسلسل ہے، یہ حملہ عین اس وقت کیا گیا جب امریکی نائب صدر دورہ بھارت پر تھے۔ اس حملے کا بھی مقصد پاکستان کو عالمی سطح پر دہشت گردی سے جوڑ کر بدنام کرنا ہے۔

سیکیورٹی کے سوالات

دفاعی ماہرین کے مطابق مقبوضہ کشمیر میں سیکیورٹی کے لیے 7 لاکھ بھارتی فوجی تعینات ہیں، جو ہر 7 شہریوں پر ایک سپاہی کا تناسب بناتا ہے۔ اتنی سخت سیکیورٹی حصار میں آخر حملے کیسے ہو جاتے ہیں؟ یہ حملے بھارت کے خود ساختہ ہیں تاکہ پاکستان مخالف بیانیہ تشکیل دیا جا سکے۔ بھارت کے ایک ہی طرز پر فالس فلیگ آپریشنز مکمل طور پر بے نقاب ہو چکے ہیں۔