وزیراعلیٰ مریم نواز سے فیصل آباد ڈویژن کے ارکان صوبائی اسمبلی کی ملاقات

ملاقات کی تفصیلات

لاہور( ڈیلی پاکستان آن لائن ) وزیراعلیٰ پنجاب مریم نواز سے فیصل آباد ڈویژن کے ارکان صوبائی اسمبلی عارف محمود گل اور آغا علی حیدر نے ملاقات کی۔ اس ملاقات میں سیاسی امور اور صوبے بھر میں جاری ترقیاتی کاموں پر تبادلۂ خیال کیا گیا۔ ارکان صوبائی اسمبلی نے وزیراعلیٰ مریم نواز کا صوبے میں ریکارڈ ترقیاتی کام شروع کرنے پر شکریہ ادا کیا۔

یہ بھی پڑھیں: اسٹیٹ بینک کا گزشتہ مالی سال میں خالص منافع کتنا رہا؟ رپورٹ جاری

مہنگائی میں کمی پر مبارکباد

ارکان اسمبلی نے مہنگائی میں کمی اور پنجاب کی تاریخ کے سب سے زیادہ پراجیکٹ کی کامیاب لانچنگ پر وزیراعلیٰ مریم نواز کو مبارکباد پیش کی۔

یہ بھی پڑھیں: جنوبی کوریا کے صدر چین کا سرکاری دورہ کریں گے

عوامی خدمت کا جذبہ

ارکان صوبائی اسمبلی نے کہا کہ مریم نواز حقیقی معنوں میں عوام کی خدمت کا جذبہ رکھتی ہیں۔ ادویات کا تمام سرکاری ہسپتالوں سے مفت ملنا پنجاب حکومت کی کارکردگی کو چارچاند لگا رہا ہے۔

یہ بھی پڑھیں: اداکارہ شردھا کپور کے بھائی کو ممبئی پولیس نے 252 کروڑ روپے کے مبینہ منشیات کیس میں طلب کر لیا

صفائی کے بہتر نظام کی تعریف

رکن صوبائی اسمبلی عارف محمود گل نے کہا کہ سالڈ ویسٹ مینجمنٹ اور ستھرا پنجاب پروگرام سے شہروں اور دیہات میں یکساں صفائی کا نظام قابل تحسین ہے۔

یہ بھی پڑھیں: انٹرنیشنل کورٹ آف جسٹس نے آئینی ترمیم کا مذاق اڑایا، محمود خان اچکزئی

گھر کا خواب پورا کرنا

صوبائی اسمبلی کے رکن آغا علی حیدر نے کہا کہ اپنی چھت، اپنا گھر پروگرام کے ذریعے وزیراعلیٰ مریم نواز صوبے کے لوگوں میں گھر کر رہی ہیں۔

ملاقات کا پیغام

وزیراعلیٰ مریم نواز نے ارکان صوبائی اسمبلی سے گفتگو کرتے ہوئے کہا کہ پنجاب کے عوام کی زندگیوں میں آسانیاں اور بہتری لانا ہی میرا خواب ہے۔ قائد محمد نوازشریف کی قیادت میں ہم نے پنجاب کو ترقی کی راہ پر گامزن کر دیا ہے۔ پاکستان کے عوام کی خدمت کرنا ہی مسلم لیگ (ن) کا کام ہے اور عوام سے کیے وعدے ان شاء اللہ پورے کریں گے۔