شرمیلا فاروقی کے چار شادیوں کے بیان پر دانش تیمور پر تنقید

نئی تنقید کا سامنا

کراچی (آئی این پی) معروف اداکار دانش تیمور اپنے چار شادیوں کے بیان پر ایک بار پھر تنقید کا نشانہ بن گئے۔ دانش کے بیان اور اس پر معافی کو کافی عرصہ گزر جانے کے بعد ان پر ہونے والی تنقید کا سلسلہ کافی حد تک تھم ضرور چکا ہے لیکن مکمل طور پر رکا نہیں۔

یہ بھی پڑھیں: فرانسیسی کمانڈر نے مئی 2025 کی فضائی جھڑپ میں پاکستان کی ایئر سپیریئرٹی کی تصدیق کر دی

شرمیلا فاروقی کا جواب

ماضی میں ٹی وی پر اداکاری کے جوہر دکھانے والی پیپلز پارٹی کی رہنما شرمیلا فاروقی نے ایک ٹی وی پروگرام میں اس بارے سوال کا جواب دیتے ہوئے کہا کہ دانش کی بیگم (عائزہ خان) اتنی سلجھی ہوئی، شریف اور بہت معصوم خاتون ہیں، اور میں انہیں سلام پیش کرتی ہوں کہ کس معصومیت اور شرافت سے وہ اپنے شوہر کی وہ بار سنتی رہی جس میں وہ احسان جتانے کے انداز میں کہتے نظر آئے کہ میں چار شادیاں کرسکتا ہوں لیکن فی الحال مجھے آپ ہی سے محبت ہے، یہ بہت توہین آمیز تھا۔

معاشرتی تنقید

بات کو جاری رکھتے ہوئے انہوں نے مزید کہا کہ 'ہمارا معاشرہ ایسا ہے جہاں خواتین کو دبایا جاتا ہے تو اگر آپ ایک اسٹار ہیں لوگ آپ کو فالو کرتے ہیں، وہ آپ سے سیکھیں گے، تو کوئی اچھی بات ہی کرلیں۔