خیبر پختونخوا میں منکی پاکس کا ایک اور کیس سامنے آگیا

منکی پاکس کا نیا کیس

پشاور(ڈیلی پاکستان آن لائن) خیبرپختونخوا میں منکی پاکس کا آٹھواں کیس رپورٹ ہوا ہے۔ ایکسپریس نیوز کے مطابق پبلک ہیلتھ ریفرنس لیب نے 31 سالہ مریض میں ایم پاکس کی تصدیق کردی ہے۔

یہ بھی پڑھیں: کتنے مظاہرین گرفتار ہوئے، افغان شہری کتنے تھے، کتنی گاڑیاں پکڑیں گئیں؟ اہم تفصیلات سامنے آ گئیں

اسکریننگ کی تفصیلات

محکمہ صحت کے پبلک ہیلتھ سیکشن کے مطابق مریض کی دبئی جاتے ہوئے پشاور ائیرپورٹ پر اسکریننگ کی گئی۔ اس دوران شبہ پڑنے پر مریض کے نمونے خیبر میڈیکل یونیورسٹی میں واقع پبلک ہیلتھ ریفرنس لیب بھیجے گئے، جہاں سے پبلک ہیلتھ ریفرنس لیب نے ان نمونوں میں مریض میں ایم پاکس وائرس کی تصدیق کی ہے۔

مریض کی حالت اور علاج

محکمہ صحت کا کہنا ہے کہ مریض 16 اپریل کو پاکستان آیا تھا۔ پبلک ہیلتھ سیکشن محکمہ صحت نے متعلقہ ڈی ایچ او کو بھی سرویلنس اور متاثرہ مریض کے خاندان و دیگر ملنے جلنے والوں کی کنٹیکٹ ٹریسنگ کے لئے مراسلہ لکھ دیا ہے۔ اس کے علاوہ مریض کو پولیس سروسز اسپتال میں آئسولیشن وارڈ شفٹ کردیا گیا ہے، جہاں مریض کا علاج جاری ہے۔