پنجاب یونیورسٹی کے وائس چانسلر کا ایک اور بڑا ایکشن

پنجاب یونیورسٹی کے وائس چانسلر کا بڑا اقدام

لاہور (ڈیلی پاکستان آن لائن) پنجاب یونیورسٹی کے وائس چانسلر ڈاکٹر محمد علی نے ایک اور بڑا ایکشن لیتے ہوئے اولڈ کیمپس کی 50 سال سے زیر قبضہ زمین واگزار کرا لی۔

یہ بھی پڑھیں: ملک بھر میں گرمی کی شدت مزید تین دن برقرار رہے گی ، بعض مقامات پر بارش کا امکان۔

زیر قبضہ زمین کی تفصیلات

تفصیلات کے مطابق، انار کلی کے ساتھ متصل اڑھائی کینال اراضی پر ملازمین نے 50 سال سے قبضہ کر رکھا تھا، جس پر ملازمین کے 13 خاندانوں کی آباد کاری تھی۔ ترجمان جامعہ کے مطابق، زیر قبضہ یونیورسٹی اراضی کی مالیت 6 ارب روپے سے زائد ہے۔

یہ بھی پڑھیں: یمن کے صوبے صنعا میں امریکی فضائی حملہ، 5 افراد جاں بحق، متعدد زخمی

قبضے کی واگزاریاں

وائس چانسلر ڈاکٹر محمد علی نے اولڈ کیمپس کی قیمتی ترین اراضی پر ناجائز قبضے کا نوٹس لیتے ہوئے اس زمین کو واگزار کرا لیا۔

غیر قانونی قبضے کی معلومات

ترجمان جامعہ نے مزید بتایا کہ ناجائز قابضین 6 ارب روپے مالیت کی زمین پر بغیر کرایہ ادا کیے رہ رہے تھے اور وہ پانی اور گیس بھی مفت استعمال کرتے رہے۔ وائس چانسلر ڈاکٹر محمد علی کے حکم پر، نیو کیمپس کی پرائم 24 کنال زمین پر 70 سال سے ناجائز قبضہ بھی حال ہی میں واگزار کرایا گیا ہے۔