ایک اور بھارتی گھناؤنا منصوبہ ناکام، لندن میں پاکستان ہائی کمیشن پر حملے کیلئے شرپسند کہاں سے آئے، کیا کرنا چاہتے تھے ۔۔؟ تہلکہ خیز انکشافات، ویڈیو بھی دیکھیں

بھارت کا گھناؤنا منصوبہ ناکام

لاہور ( طیبہ بخاری سے ) بھارت کا ایک اور گھناؤنا منصوبہ ناکام ہو گیا۔

یہ بھی پڑھیں: دنیا نے دیکھا کئی گنا بڑے دشمن کو گھٹنے ٹیکنے میں چند گھنٹے لگے: وزیر اعظم کا یوم تشکر پر پیغام

پہلگام فالس فلیگ آپریشن کی ناکامی

تفصیلات کے مطابق پہلگام فالس فلیگ آپریشن کی ہزیمت پر بیرون ملک بھارتی بھی حواس باختہ ہو گئے۔ لندن میں پاکستانی ہائی کمیشن پر منظم انداز سے حملہ کرنے کی کوشش ناکام ہو گئی۔ پاکستان ہائی کمیشن پر حملے کیلئے 300 سے 400 شرپسند موجود تھے۔

یہ بھی پڑھیں: 70 ہزار پاکستانی مئی میں بیرون ملک چلے گئے ہیں : مصطفیٰ نواز کھوکھر

بھارتی خفیہ ایجنسی کا کردار

ذرائع کے مطابق ان شرپسندوں کو اکٹھا کرنے کیلئے بھارتی خفیہ ایجنسی نے کردار ادا کیا۔ بھارتیوں کے ساتھ ساتھ اسرائیلی شہری بھی جھنڈے اٹھائے شامل تھے۔شرپسندوں میں 4 نقاب پوشوں کو ہائی کمیشن کا پاکستانی جھنڈا گرانے کا ٹاسک دیا گیا۔ ہندو انتہاپسند پیشانیوں پر سرخ نشان لگا کر اپنی ’فتح‘ کا نشان بنا رہے تھے، اور ان 4 نقاب پوش شرپسندوں کو بعد میں گرفتار کرلیا گیا۔

یہ بھی پڑھیں: ارضی کیفیات دیکھتے ہوئے حل نکالا گیا کہ پہلے سکھر والے کنارے سے بھکر جزیرے تک ستونوں والا روایتی پْل بنایا جائے، یہ پل 1885ء میں مکمل بھی ہو گیا

پولیس کی تعداد میں اضافہ

ذرائع نے یہ بھی بتایا کہ بھارتی اور اسرائیلی شرپسندوں کو روکنے کیلئے ابتدائی طور پر 4 پولیس اہلکار تعینات تھے، بگڑتے حالات دیکھتے ہوئے پولیس نفری کی تعداد 50 کردی گئی۔ مستند رپورٹس کے مطابق مظاہرین کے ساتھ ایک گاڑی بھی تھی جس میں نارنجی رنگ کے 3 پینٹ کے ڈبے تھے، مظاہرین یہ نارنجی رنگ پاکستان ہائی کمیشن کی سفید عمارت پر پھینکنا چاہتے تھے۔

یہ بھی پڑھیں: شہباز شریف نے ریسکیو 1122 منصوبے کو سیاست کی نذر نہیں ہونے دیا، وزیر صحت

پاکستانیوں کی کامیاب دفاعی کوششیں

ذرائع کے مطابق پاکستان ہائی کمیشن کے ارد گرد موجود پاکستانیوں نے اس کوشش کو ناکام بنا دیا۔ پاکستان ہائی کمیشن عملے کے 6 افراد پرچم کی حفاظت کیلئے موجود تھے، حالات کو دیکھتے ہوئے مزید پاکستانی پرچم کی حفاظت کیلئے پہنچ گئے۔ پاکستانیوں نے ملی نغموں کے ذریعے بھارتیوں کے نعروں کو دبا دیا۔

یہ بھی پڑھیں: ٹرمپ کے ٹیرف میں عارضی نرمی کے اعلان پر امریکی سٹاک مارکیٹس میں زبردست اضافہ

ویڈیو رپورٹ

یہ بھی پڑھیں: قلعہ عبداللہ: نادرا دفتر کے قریب دھماکا، کس کی گاڑی کو نشانہ بنایا گیا، جانئے

بھارتی خفیہ ایجنسی کے کردار کی تصدیق

ذرائع نے یہ بھی بتایا کہ بھارتی خفیہ ایجنسی کے ایماء پر بھارتی انتہا پسند اور اسرائیلی جمع ہوئے، جموں و کشمیر، سری نگر میں 15 سے 20 اسرائیلی اہلکار پہلے سے ہی پہنچ چکے ہیں۔

بھارت اور اسرائیل کا گٹھ جوڑ

دفاعی ماہرین کے مطابق بھارت اور اسرائیل کا یہ گٹھ جوڑ ثابت کرتا ہے کہ یہ پاکستان بالخصوص مسلمانوں کے خلاف یکجا ہیں۔ اسرائیل فلسطینی مسلمانوں پر ظلم ڈھا رہا ہے اب مسلم نسل کشی کے لیے مقبوضہ کشمیر پہنچ گیا ہے۔ دونوں کا گٹھ جوڑ ثابت کرتا ہے کہ بھارتی وزیراعظم نریندر مودی اور نیتن یاہو ایک ہو چکے ہیں، بھارت اور اسرائیل کا نشانہ پاکستان اور مسلمان ہیں۔

پاکستان ہائی کمیشن پر حملہ کرنے والے بھارتیوں میں آر ایس ایس کے تربیت یافتہ غنڈے بھی شامل تھے، بھارت کو یہ سوچنے کی ضرورت ہے کہ کل اس کے ہائی کمیشن پر بھی ایسا ہوسکتا ہے۔