سندھ کی اپیل پر مشترکہ مفادات کونسل کا اجلاس آج ہی طلب

وزیراعظم کا سی سی آئی اجلاس طلب

اسلام آباد(ڈیلی پاکستان آن لائن) وزیر اعظم شہباز شریف نے مشترکہ مفادات کونسل کا اجلاس آج ہی طلب کر لیا ہے۔

یہ بھی پڑھیں: معرکۂ حق میں خفت کے بعد مودی سرکار کے جنگی جنون میں اضافہ، بھارت فرانس سے مزید کتنے رافیل لڑاکا طیارے خریدے گا۔۔؟ جانیے

اجلاس کی تفصیلات

نجی ٹی وی چینل دنیا نیوز کے مطابق، مشترکہ مفادات کونسل کا اجلاس آج وزیراعظم ہاؤس میں منعقد ہوگا۔ اجلاس کی طلبی کا نوٹیفکیشن جاری کر دیا گیا ہے، جس میں چاروں وزرائے اعلیٰ، وفاقی وزرا سمیت 25 شرکا کو خصوصی دعوت دی گئی ہے۔

یہ بھی پڑھیں: ٹرمپ انتظامیہ نے نئے سٹوڈنٹ ویزا انٹرویوز کو روکنے کا حکم دے دیا

شرجیل میمن کی امیدیں

دوسری جانب، سندھ کے سینئر وزیر شرجیل میمن پُرامید ہیں کہ مشترکہ مفادات کونسل میں آج ہی کینالوں کے معاملے کا فیصلہ کیا جائے گا۔

یہ بھی پڑھیں: عبدالعلیم خان کا پنجاب اور سندھ میں نئے صوبے بنانے کا مطالبہ

اجلاس کا پس منظر

سینئر وزیر سندھ شرجیل انعام میمن کی جانب سے جاری بیان میں کہا گیا ہے کہ کینالز پر مشترکہ مفادات کونسل کا اجلاس 2 مئی کو ہونا تھا۔ تاہم، سندھ حکومت کی درخواست پر وزیراعظم شہباز شریف کی زیر صدارت سی سی آئی کا اجلاس آج شام اسلام آباد میں منعقد ہوگا۔

سندھ کی نمائندگی

سندھ کی طرف سے وزیراعلیٰ سندھ سید مراد علی شاہ مشترکہ مفادات کونسل اجلاس میں شرکت کریں گے۔ سی سی آئی اجلاس میں بلاول بھٹو زرداری اور وزیراعظم کی بات چیت کے تحت کینالوں کا مسئلہ حل کیا جائے گا۔