ہسپتالوں سے اجازت لیے بغیر غائب ہونے والے ڈاکٹرز کی تنخواہیں بند کرنے کی ہدایت
ہسپتالوں میں غائب ڈاکٹرز کی تنخواہیں روکنے کا حکم
لاہور(آئی این پی) پنجاب کے محکمہ سپیشلائزڈ ہیلتھ نے ہسپتالوں سے اجازت لیے بغیر غائب ہونے والے ڈاکٹرز کی تنخواہیں بند کرنے کی ہدایت جاری کردی۔
یہ بھی پڑھیں: شکی شوہر نے بیوی کو نہر میں دھکا دے کر جان سے مار دیا
تنخواہوں کی بحالی کی شرائط
مراسلے میں کہا گیا ہے کہ ڈاکٹرز کے متعلقہ ہسپتال رپورٹ کرنے کے بعد ان کی تنخواہ بحال کی جائے گی۔ محکمہ سپیشلائزڈ ہیلتھ پنجاب کی جانب سے تمام میڈیکل سپرنٹنڈنٹس کو ہدایات جاری کر دی گئی ہیں۔
چھٹیوں پر پابندی
محکمہ سپیشلائزڈ ہیلتھ کیئر اینڈ میڈیکل ایجوکیشن نے ڈاکٹرز، نرسز اور عملے کی چھٹیوں پر پابندی بھی عائد کردی ہے۔ ڈاکٹرز، نرسز اور الائیڈ ہیلتھ سٹاف کو فوری طور پر واپس اپنی ڈیوٹی پر آنے کی ہدایت کر دی گئی ہے۔
