پہلگام حملے پر آذربائیجان کا پاکستان کے حق میں بیان سامنے آگیا
آذربائیجان کی جانب سے پاکستان کی حمایت
باکو (ویب ڈیسک) پہلگام حملے پر آذربائیجان کا پاکستان کے حق میں بیان سامنے آ گیا، آذری وزارت خارجہ کی جانب سے جاری بیان میں آذربائیجان نے پہلگام حملے کی تحقیقات کا مطالبہ کر دیا۔
یہ بھی پڑھیں: سندھ طاس معاہدے کی معطلی: پاکستان عالمی بینک سے فوری رابطہ کرے گا:سابق سیکرٹری واٹر کمیشن
پاکستان اور بھارت کے درمیان کشیدگی کی تشویش
نجی ٹی وی جیونیوز کے مطابق بیان میں کہا گیا ہے کہ پاکستان اور بھارت کے درمیان کشیدگی پر تشویش ہے، فریقین تحمل کا مظاہرہ کریں اور بات چیت سے مسائل حل کریں۔ آذری وزارت خارجہ کے بیان میں مزید کہا گیا کہ پہلگام واقعے کی آزاد اور شفاف بین الاقوامی تحقیقات کرائی جائیں۔
تنازع کا اقوام متحدہ کی قراردادوں کے مطابق حل
بیان میں یہ بھی کہا گیا کہ پاکستان اور بھارت کے درمیان دیرینہ تنازع کا حل اقوام متحدہ کی قراردادوں کے مطابق نکالا جائے۔
