پاکستان میں بجلی کی خریدوفروخت کے لیے نیا نظام لاگو کر دیا گیا

نئی آزاد مارکیٹ کا نظام

اسلام آباد (آئی این پی) ملک میں بجلی کی خریدوفروخت کے لیے آزاد مارکیٹ کا نیا نظام لاگو کر دیا گیا۔

یہ بھی پڑھیں: بھارتی فوج کی مقبوضہ کشمیر میں گھر گھر تلاشی، چادر چاردیواری کا تقدس پامال، ایک گھر پر فائر کھول دیا، تین روز میں شہدا کی تعداد 6 ہوگئی

نیپرا کی جانب سے لائسنس کا اجرا

میڈیا رپورٹ کے مطابق نیشنل الیکٹرک پاور ریگولیٹری اتھارٹی (نیپرا) نے انڈیپنڈنٹ سسٹم اینڈ مارکیٹ آپریٹر کو لائسنس جاری کر دیا ہے۔ سینٹرل پاور پرچیزنگ ایجنسی کا لائسنس آزاد مارکیٹ آپریٹر کو منتقل کر دیا گیا۔

یہ بھی پڑھیں: جب تک کشمیر کا مسئلہ حل نہیں ہوتا مودی جارحیت دہراتا رہے گا: مشعال ملک

صارفین کے لیے نئی سہولیات

نیا نظام صارفین کو مختلف سپلائرز سے براہ راست بجلی خریدنے کے قابل بنائے گا۔ آزاد مارکیٹ آپریٹر بجلی صارفین کو روایتی ڈسٹری بیوشن کمپنیوں کا متبادل پیش کرے گا۔ یہ نظام آہستہ آہستہ بجلی کے واحد خریدار کے طور پر حکومت کے کردار کو ختم کرے گا۔ نئے نظام کے تحت بجلی کی موثر اور شفاف مسابقت کے لیے مارکیٹ میسر آئے گی۔

یہ بھی پڑھیں: وزیر اعلیٰ مریم نواز کی بلوچستان میں دھماکے کی شدید مذمت، 7 شہید سیکیورٹی اہلکاروں کی قربانی کو خراج عقیدت

آزاد مارکیٹ آپریٹر کی تشکیل

آزاد مارکیٹ آپریٹر ابتدائی طور پر 3 ڈائریکٹرز پر مشتمل ہو گا، جس کے بعد یہ تعداد 11 سے زیادہ ہو جائے گی۔ ایڈیشنل سیکریٹری پاور ڈویژن سید زکریا علی شاہ آزاد مارکیٹ آپریٹر کے سی ای او تعینات کیے گئے ہیں، جب کہ ڈائریکٹرز میں سیکریٹری پاور محمد فخر عالم، جوائنٹ سیکرٹری خزانہ سجاد حیدر شامل ہیں。

وفاقی کابینہ کی منظوری

وفاقی کابینہ نے نیشنل ٹرانس میشن اینڈ ڈسپیچ کمپنی کو 3 اداروں میں تقسیم کرنے کی منظوری دی تھی۔ 3 میں سے ایک ادارہ آزاد سسٹم اینڈ مارکیٹ آپریٹر کے نام سے قائم کیا گیا ہے۔