پاک بھارت کشیدگی، ٹک ٹاکر جنت مرزا نے تنقید کے بعد خاموشی توڑ دی

جنت مرزا کی خاموشی توڑنے کی وجہ

کراچی (آئی این پی) پاک بھارت کشیدگی پر چپ سادھنے والی پاکستانی معروف ٹک ٹاکر جنت مرزا نے تنقید کے بعد خاموشی توڑ دی۔

یہ بھی پڑھیں: کوئٹہ: پیپلز پارٹی کے ایم پی اے کی ریلی پر حملہ، ایک جاں بحق، علی مدد جتک محفوظ رہے

لندن کی چھٹیاں مختصر کرنے کا اعلان

فوٹوز اینڈ ویڈیوز شیئرنگ پلیٹ فارم انسٹاگرام پر ٹک ٹاکر نے اسٹوری شیئر کرتے ہوئے اپنی خاموشی پر روشنی ڈالی اور پاکستان واپس آنے کا اعلان بھی کر دیا۔ انہوں نے انسٹاگرام اسٹوری میں لکھا کہ مجھے لندن میں اپنی چھٹیاں گزارنی تھیں لیکن پاکستان اور بھارت کے درمیان جنگ کے بڑھتے ہوئے خدشات کے سبب میں نے اپنی چھٹیاں مختصر کرکے وطن واپس لوٹنے کا فیصلہ کیا ہے۔

یہ بھی پڑھیں: بہاول پور؛ غیرقانونی شکار پر مجرموں کو ایک، ایک سال قید، 40 لاکھ روپے جرمانہ

جنگ کا حل نہیں

ٹک ٹاکر نے لکھا کہ میں پاکستان سے بیحد محبت کرتی ہوں اور میرے لیے اپنے ملک کی سلامتی اور خوشحالی سے بڑھ کر کچھ بھی نہیں ہے۔ جنت نے مزید لکھا کہ جنگ کسی بھی مسئلے کا حل نہیں، یہ صرف تباہی اور بربادی لاتی ہے اور میرا پختہ یقین ہے کہ مسائل کو پرامن مذاکرات اور ٹیبل ٹاک کے ذریعے حل کیا جانا چاہیے نہ کہ تشدد اور جارحیت کے ذریعے۔

ملک کے روشن مستقبل کی امید

انہوں نے اپنی انسٹاگرام اسٹوری کے اختتام میں ملک کے روشن مستقبل اور پرامن حل کی امید کا بھی اظہار کیا ہے۔