مودی کا گھناونا چہرہ بے نقاب، کانگریس رہنما نے ووٹ مانگنے کا کلپ لائیو پروگرام میں چلادیا

بھارتی اپوزیشن کی جانب سے مودی کا کلپ پیش

نئی دہلی (ڈیلی پاکستان آن لائن) بھارت کی اپوزیشن جماعت کانگریس کے رہنما نے لائیو پروگرام میں ہندو انتہا پسند وزیراعظم نریندر مودی کی ووٹ مانگنے کا کلپ دکھاتے ہوئے ایک سنسنی خیز انکشاف کیا۔

یہ بھی پڑھیں: اونچے برف پوش پہاڑوں کا دل موہ لینے والا نظارہ کیا، سارا سفر سنسنی خیزی اور رعنائیوں سے بھر پور، آنکھوں کو خیرہ کرتے نظاروں سے لدا تھا۔

پہلگام واقعہ اور ووٹ مانگنے کی کوشش

نجی ٹی وی چینل جیو نیوز نے سکیورٹی ذرائع کے حوالے سے بتایا کہ پہلگام واقعے کو جواز بنا کر نریندر مودی کا عوام سے ووٹ مانگنے کا منصوبہ کانگریس رہنما نے بے نقاب کیا۔ مودی نے پلوامہ فالس فلیگ آپریشن کے نتیجے میں ہلاک بھارتی فوجیوں کی لاشوں پر ووٹ مانگنے کا بیان دیا۔

یہ بھی پڑھیں: آئرلینڈ کا آئی سی سی مینز ٹی ٹوئنٹی ورلڈ کپ 2026 کے لیے اپنے 15 رکنی اسکواڈ کا اعلان

ٹی وی پروگرام میں مودی کی تقریر کا پردہ فاش

ٹی وی پروگرام میں کانگریس رہنما کی جانب سے مودی کی تقریر کا ویڈیو کلپ چلا کر مودی اور بھارتی میڈیا کے منہ پر طمانچہ مارا گیا۔ بی جے پی کی حامی اینکر مودی کا دفاع کرنے کی ناکام کوشش کرتی رہی۔

یہ بھی پڑھیں: کراچی کو وفاق کا حصہ بنایا جائے، 18ویں ترمیم ختم کی جائے، ایم کیو ایم نے مطالبہ کردیا

ویڈیو کے اثرات اور میڈیا کی خاموشی

کانگریس رہنما کے ویڈیو چلانے کے بعد اینکر پرسن کو سانپ سونگھ گیا۔ اس ویڈیو میں مودی کے پلوامہ کے شہدا کو ہتھیار بنا کر ووٹ کی اپیل کرنے کے الفاظ نے اس کے گھناو¿نے چہرے کو بے نقاب کر دیا۔

یہ بھی پڑھیں: خیبر پختونخوا حکومت کا پرفارمنس آڈٹ ہونا چاہیے: گورنر فیصل کریم کنڈی

سیاسی ماہرین کی رائے

سیاسی ماہرین کا کہنا ہے کہ اس ویڈیو سے واضح ہو گیا ہے کہ مودی سرکار اپنے ہلاک فوجی جوانوں کے نام پر سیاست کا گندہ کھیل کھیل رہی ہے۔ مودی بھارتی قوم کے جذبات بھڑکاکر سیاست کرتا ہے۔

لائیو پروگرام میں سوالیہ نشان

سیاسی تجزیہ کار نے کہا کہ کانگریس رہنما کی جانب سے لائیو پروگرام میں ویڈیو کلپ چلانے کے بعد ٹاک شو میں موجود اینکر اور وزرا کے چہروں پر جو سوالیہ نشان تھا، وہ دیکھنے کے قابل تھا۔