محسن نقوی ایک روزہ دورے پر عمان پہنچ گئے، اعلیٰ حکام سے ملاقاتیں

محسن نقوی کا عمان کا دورہ

مسقط (ڈیلی پاکستان آن لائن) وفاقی وزیر داخلہ محسن نقوی عمان کے ایک روزہ سرکاری دورے پر مسقط پہنچ گئے۔ جہاں انہوں نے اعلیٰ حکام سے ملاقاتیں کیں۔

یہ بھی پڑھیں: ایرانی بیلسٹک میزائل میں کلسٹر بم وار ہیڈ کا استعمال: اسرائیلی میڈیا

استقبالیہ تقریب

نجی ٹی وی سما نیوز کے مطابق وزیر داخلہ محسن نقوی کا مسقط ایئرپورٹ پہنچنے پر عمارت کی وزارت داخلہ کے اعلیٰ حکام، سیکریٹری داخلہ خالد بن ہلال بن سعود البوسیدی، عمان میں پاکستان کے سفیر سید نوید صفدر بخاری اور دیگر شخصیات نے خیر مقدم کیا۔

یہ بھی پڑھیں: کتنے مظاہرین گرفتار ہوئے، افغان شہری کتنے تھے، کتنی گاڑیاں پکڑیں گئیں؟ اہم تفصیلات سامنے آ گئیں

اہم ملاقاتیں

اس موقع پر وزیرداخلہ محسن نقوی اور مسقط کے سیکریٹری داخلہ خالد بن ہلال بن سعود کے درمیان ملاقات ہوئی، عمانی حکام نے محسن نقوی کو عمان آمد پر دل کی گہرائیوں سے خوش آمدید کہا۔

یہ بھی پڑھیں: دنیا کی سب سے زیادہ سست الوجود قوم مصری ہیں، یہ پہلا عرب ملک تھا جہاں دوپہر کو باقاعدہ قیلولہ کیلئے سرکاری طور پر تین چار گھنٹے کا وقفہ دیا جاتا

انسداد منشیات اور سمگلنگ میں تعاون

محسن نقوی کا کہنا تھا کہ عمان کے ساتھ انسداد منشیات اور انسداد انسانی سمگلنگ کے ضمن میں تعاون بڑھانا چاہتے ہیں۔

خطے کی صورتحال پر گفتگو

اس کے علاوہ وزیر داخلہ محسن نقوی عمان کے اعلیٰ حکام سے ملاقاتیں کریں گے، خطے کی موجودہ صورتحال کے تناظر میں عمان حکومت کو پاکستان کے مؤقف سے آگاہ کریں گے。