فلسطینیوں سے اظہارِ یکجہتی، اہلسنت و جماعت کا مفتی منیب کی زیرِ قیادت کراچی میں مارچ

کراچی میں مارچ کا آغاز

کراچی (ڈیلی پاکستان آن لائن) اہلسنت و جماعت کے زیرِ اہتمام فلسطینیوں سے اظہارِ یک جہتی کے لئے کراچی میں مارچ کیا گیا۔ مفتی منیب الرحمٰن کی قیادت میں یہ مارچ نمائش سے تبت سینٹر پہنچا۔

یہ بھی پڑھیں: وزیراعلیٰ پنجاب مریم نواز 8 روزہ سرکاری دورے پر چین پہنچ گئیں

ٹریفک کی پابندیاں

روزنامہ جنگ کے مطابق، ٹریفک پولیس نے بتایا ہے کہ اس دوران عام پبلک کو جمشید روڈ، تین ہٹی سے نمائش جانے کی اجازت نہیں تھی۔ ٹریفک پولیس نے شہریوں کو گرومندر سے سولجر بازار، جمشید روڈ سے جیل چورنگی کا راستہ اختیار کرنے کی ہدایت کی تھی۔

یہ بھی پڑھیں: وفاقی حکومت رواں سال گندم کی خریداری کرے گی یا نہیں؟ فیصلہ ہوگیا

سوسائٹی چورنگی کی پابندیاں

ٹریفک پولیس کے مطابق، ٹریفک کو شارع قائدین اور سوسائٹی چورنگی سے نمائش جانے کی اجازت نہیں تھی، شہریوں کو سوسائٹی چورنگی سے کشمیر روڈ کا راستہ اختیار کرنے کا کہا گیا۔

یہ بھی پڑھیں: پی ٹی آئی نے اسلام آباد میں احتجاج منسوخ کرنے کا اعلان کر دیا

ریلی کے دوران ٹریفک کے راستے

ٹریفک پولیس کے مطابق ریلی کے دوران سوسائٹی چورنگی سے آنے والی ٹریفک کو پیپلز چورنگی جانے کی اجازت نہیں دی گئی، جیل چورنگی سے جمشید روڈ آنے والی ٹریفک کو سولجر بازار کی طرف بھیجا گیا۔

ناظم آباد اور تین ہٹی کی صورت حال

پولیس کے مطابق ناظم آباد اور تین ہٹی سے آنے والی ٹریفک کو لسبیلہ اور گرومندر جانے کی اجازت نہیں دی گئی۔