بھارتی پروازوں کے لیے پاکستانی فضائی حدود کی بندش بارہویں روز میں داخل

بھارتی طیاروں کے لئے فضائی حدود کی بندش

نئی دہلی (ڈیلی پاکستان آن لائن) پاکستان کی جانب سے بھارتی طیاروں کے لئے فضائی حدود کی بندش آج بارہویں روز میں داخل ہو گئی ہے، جس کے باعث اب تک 1250 سے زائد بھارتی پروازیں متاثر ہو چکی ہیں اور 250 کروڑ بھارتی روپے سے زائد کا نقصان رپورٹ ہوا ہے۔

یہ بھی پڑھیں: فٹنس سے زیادہ اعظم خان کا کھیل اہمیت رکھتا ہے، شاداب خان

بڑی ایئر لائنز پر اثرات

نجی ٹی وی سما نے ذرائع کے حوالے سے بتایا کہ فضائی حدود کی بندش سے ایئر انڈیا، آکاسا ایئر، سپائس جیٹ، انڈیگو ایئر اور ایئر انڈیا ایکسپریس جیسی بڑی بھارتی ایئر لائنز شدید متاثر ہوئی ہیں۔ فضائی راستے کی بندش کے سبب کئی پروازوں کو لمبے روٹس اختیار کرنا پڑ رہے ہیں جبکہ بعض پروازیں مکمل طور پر منسوخ کر دی گئی ہیں۔

یہ بھی پڑھیں: عمران خان کی وزیر اعلیٰ خیبرپختونخواہ کو ڈی چوک پہنچنے کی ہدایت!

A320 طیاروں کی مشکلات

خاص طور پر بھارتی A320 طیارے وسط ایشیائی ممالک تک طویل راستے طے کرنے کی صلاحیت نہیں رکھتے، جس کے باعث انڈیگو ایئر کی الماتے، تاشقند اور دیگر وسط ایشیائی شہروں کے لئے فلائٹ آپریشن تاحال معطل ہے۔

یہ بھی پڑھیں: کیرم کی عالمی چیمپیئن کاظمہ: “جیت کے بعد باتیں کرنے والے مبارکباد دے رہے ہیں”

بین الاقوامی پروازوں پر اثرات

فضائی حدود بند ہونے کے باعث بھارت سے امریکہ، برطانیہ اور یورپ جانے والی پروازوں کو متبادل راستے اختیار کرنے پر دگنے اخراجات برداشت کرنا پڑ رہے ہیں۔ پروازوں کے دورانیے میں 4 سے 10 گھنٹے کا اضافہ ہو گیا ہے جبکہ عملے کی تبدیلی بھی یورپی ایئرپورٹس پر کی جا رہی ہے، جس سے لاگت میں مزید اضافہ ہوا ہے۔

ایئرلائنز کو مالی نقصان

اس کے علاوہ متبادل ایئرپورٹس پر لینڈنگ، ری فیولنگ اور ایئرپورٹ چارجز کی مد میں بھی ایئرلائنز کو یومیہ کروڑوں روپے کا نقصان ہو رہا ہے۔