ڈاکٹر آپریشن کے دوران خاتون کے پیٹ میں ’بینڈچ‘ بھول گئے، پھر کیا ہوا؟ جانیے

ڈاکٹر کی لاپرواہی کا واقعہ

نئی دہلی (ویب ڈیسک) بھارت میں ڈاکٹر آپریشن کے دوران حاملہ خاتون کے پیٹ میں بینڈچ بھول گئے۔

یہ بھی پڑھیں: حکومت ٹرانسپورٹ، انفراسٹرکچر اور ریل کے نظام کی ترقی پر تیزی سے کام کر رہی ہے، بلال اظہر کیانی

واقعے کی تفصیلات

بھارتی میڈیا رپورٹ کے مطابق ریاست تلنگانہ کے ضلع ہنمکنڈہ کے کملاپور کے سرکاری ہسپتال میں آپریشن کے دوران ڈاکٹرز کی لاپرواہی کا واقعہ سامنے آیا ہے۔ ڈاکٹر نے آپریشن کے دوران حاملہ خاتون کے پیٹ میں پٹی بھول کر ٹانکے لگادیے۔

یہ بھی پڑھیں: نیوزی لینڈ نے ویسٹ انڈیز کے خلاف پہلے ٹیسٹ کے لیے 14 رکنی اسکواڈ کا اعلان کردیا

خاتون کی طبی حالت

خاتون کو چند روز بعد شدید طبی مسائل کا سامنا ہوا اور انہوں نے دوبارہ ہسپتال پہنچ کر معائنہ کروایا، جہاں یہ بات سامنے آئی کہ پیٹ میں بینڈچ موجود ہے۔ جب نرس نے ہسپتال کی ڈاکٹر سے فون پر رابطہ کیا تو انہوں نے فون پر ہی ہدایات دیں کہ بینڈچ کس طرح نکالیں۔ جب نرس نے بینڈچ نکالنے کی کوشش کی تو آپریشن کے دوران لگائے گئے ٹانکے کھل گئے، جس سے خاتون کو شدید تکلیف کا سامنا کرنا پڑا۔

خاتون کی حالت اور ردعمل

فی الحال متاثرہ خاتون کی حالت مستحکم بتائی جا رہی ہے۔ تاہم ڈاکٹروں کی اس سنگین غفلت پر خاتون کے رشتہ داروں نے شدید برہمی کا اظہار کیا اور ہسپتال کے باہر احتجاج کیا۔