خیبرپختونخوا میں 49 لاکھ سے زائد بچوں کے سکولوں سے باہر ہونے کا انکشاف

پشاور میں بچوں کی تعلیم کا بحران

پشاور(ڈیلی پاکستان آن لائن) خیبر پختونخوا میں تقریباً 50 لاکھ بچوں کے سکول نہ جانے کا انکشاف ہوا ہے۔

یہ بھی پڑھیں: ماں کا لاڈلا، خوشحال خان کے شادی سے متعلق بیان پر صارفین کا ملا جلا ردعمل

بچوں کی تعداد اور اعداد و شمار

نجی ٹی وی جیو نیوز کے مطابق صوبائی محکمہ تعلیم کی جانب سے سکولوں سے باہر بچوں سے متعلق رپورٹ میں بتایا گیا ہے کہ صوبے میں 37 فیصد بچے تعلیم سے محروم ہیں جن کی تعداد 49 لاکھ 20 ہزار ہے۔

یہ بھی پڑھیں: وینزویلا کے صدر پر نیو یارک میں فرد جرم عائد کردی گئی، جلد امریکی سرزمین پر امریکی عدالتوں میں پیش کیا جائے گا، امریکی اٹارنی جنرل کا اعلان

علاقائی تفصیلات

دستاویز میں بتایا گیا ہے کہ پشاور میں 8 لاکھ سے زیادہ بچے سکولوں سے باہر ہیں، جبکہ کولئی پالس کوہستان میں تناسب کے حساب سے سب سے زیادہ 80 ہزار 333 بچے سکولوں سے باہر ہیں۔

یہ بھی پڑھیں: پنجاب کابینہ نے سی سی ڈی کو خواتین اور بچوں سے متعلق جرائم کی تفتیش کا اختیار بھی سونپ دیا

تعلیمی میدان میں چیلنجز

محکمہ تعلیم کے مطابق لوئرکوہستان اور اپرکوہستان میں 79 فیصد بچے سکول سے باہر ہیں، جبکہ اپرچترال میں سب سے کم 10 فیصد بچے سکولوں سے باہر ہیں۔

یہ بھی پڑھیں: ایران بندرگاہ دھماکے میں ہلاکتوں کی تعداد 70 ہو گئی

حکومتی اقدامات

اس حوالے سے وزیر تعلیم کے پی فیصل ترکئی کا کہنا ہے کہ 48 لاکھ سے زائد بچے اور بچیاں سکول سے باہر ہیں۔ حکومت بچوں اور بچیوں کو سکولوں میں لانے کی کوشش کر رہی ہے۔

مستقبل کے ہدف

فیصل ترکئی کا کہنا تھا کہ پچھلے سال 13 لاکھ بچوں کو سکولوں میں داخل کرایا گیا اور رواں سال 10 لاکھ بچوں کو سکولوں میں داخل کرنے کا ہدف مقرر کیا گیا ہے۔