بھارت کا پہلگام فالس فلیگ میں ناکامی کے بعد بلوچستان میں بڑی دہشت گردی کا منصوبہ بے نقاب

بھارت کا دہشت گردی کا منصوبہ بے نقاب

کوئٹہ (ڈیلی پاکستان آن لائن) بھارت کا پہلگام فالس فلیگ میں ناکامی کے بعد بلوچستان میں بڑی دہشت گردی کا منصوبہ بے نقاب ہوگیا۔

یہ بھی پڑھیں: سیکیورٹی فورسز کے خیبر پختونخوا اور بلوچستان میں انٹیلی جنس بیسڈ آپریشنز، 9دسمبر سے اب تک 43 دہشتگرد جہنم واصل

بھارتی خفیہ ایجنسی کی سرگرمیاں

نجی ٹی وی جیونیوز نے انٹیلی جنس ذرائع کے حوالے سے بتایا کہ بھارت کی خفیہ ایجنسی 'را' نے بلوچستان کے مختلف علاقوں میں اپنی پراکسیز کو سرگرم کر دیا۔ انٹیلی جنس ذرائع کا کہنا ہے کہ بھارتی را نے گوادر، کوئٹہ اور خضدار میں دہشت گردی کا منصوبہ بنایا ہے۔ را نے بی ایل اے، فتنہ الخوارج اور غیر قانونی افغانوں کو ان شہروں میں دہشت گردی کی ہدایات کیں۔

یہ بھی پڑھیں: کراچی سے کشمور جانے والی مسافر کوچ پر ڈاکوؤں کی اندھا دھند فائرنگ

دہشت گردوں کی منصوبہ بندی

انٹیلی جنس ذرائع کا کہنا ہے کہ را نے کارروائیوں کے لئے دہشت گردوں کو افغانستان سے بھی متعلقہ علاقوں میں بھجوا دیا۔ انٹیلی جنس ذرائع کے مطابق، چند خود کش بمباروں کو متعلقہ علاقوں کی ریکی کروائی گئی، جو دہشت گردی کی کارروائی میں گاڑی یا موٹرسائیکل کا استعمال کر سکتے ہیں۔

یہ بھی پڑھیں: کراچی: رینجرز اہلکاروں پر قاتلانہ حملے کے 27 سال پرانے کیس کا فیصلہ سنا دیا گیا

قانون نافذ کرنے والے اداروں کی تیاریاں

انٹیلی جنس ذرائع کا کہنا ہے کہ بھارتی سرپرستی میں دہشت گردی کے مذموم منصوبے ناکام بنانے کے لئے قانون نافذ کرنے والے ادارے متحرک ہیں۔ انٹیلی جنس ذرائع نے کہا ہے کہ بھارت کی بلوچستان میں دہشت گردی کے واضح ثبوت پہلے ہی منظر عام پر آچکے ہیں۔ بھارت بلوچستان میں دہشت گردی کروا کر پاکستان میں بے امنی پھیلانا چاہتا ہے۔ دہشت گردی کے منصوبے کے پیچھے پہلگام فالس فلیگ آپریشن میں بری طرح ناکامی ہے۔

پاک بھارت کشیدگی

22 اپریل کو مقبوضہ کشمیر کے ضلع پہلگام کے سیاحتی مقام پر فائرنگ کے واقعے میں 26 افراد ہلاک اور ایک درجن زخمی ہوگئے تھے۔ بھارت کی ہندو انتہا پسند حکومت نے پہلگام واقعے کی تحقیقات کے بغیر روایتی ہٹ دھرمی کا مظاہرہ کرتے ہوئے پاکستان کو مورد الزام ٹھہرایا اور 1960 میں عالمی بینک کی ثالثی میں طے پانے والے دریاو¿ں کے پانی کی تقسیم کے سندھ طاس معاہدے کو معطل کرنے کا اعلان کیا تھا۔

پاکستان نے سندھ طاس معاہدہ معطل کرنے کے بھارتی یکطرفہ اعلان مسترد کر دیا۔