واپڈا نے دریاؤں میں پانی کی صورتحال سے متعلق رپورٹ جاری کردی

واپڈا کی پانی کی صورتحال رپورٹ

اسلام آباد (ڈیلی پاکستان آن لائن ) واٹر اینڈ پاور ڈویلپمنٹ اتھارٹی (واپڈا) نے دریا ؤں اور آبی ذخیروں میں پانی کی صورتحال سے متعلق رپورٹ جاری کردی۔

یہ بھی پڑھیں: اسلام آباد میں دوبارہ شدید ژالہ باری کب ہو سکتی ہے؟ محکمہ موسمیات نے پیشگوئی کر دی

پانی کی آمد و اخراج

نجی ٹی وی جیونیوز نے ترجمان واپڈا کے حوالے سے بتایا کہ تربیلا پر دریائے سندھ میں پانی کی آمد 95 ہزار 300 کیوسک اور اخراج 50 ہزار کیوسک ہے۔

ترجمان نے بتایا کہ منگلا پر دریائے جہلم میں پانی کی آمد 43 ہزار 500کیوسک اور اخراج 32 ہزار کیوسک ہے جبکہ چشمہ بیراج میں پانی کی آمد 99 ہزار 100 کیوسک اور اخراج 85 ہزار کیوسک ہے۔

یہ بھی پڑھیں: پاکستانی تن ساز عبدالمجید مسٹر یونیورس بن گئے

دیگر دریاؤں کی صورتحال

اسی طرح ہیڈمرالہ پر دریائے چناب میں پانی کی آمد 28 ہزار 300کیوسک اور اخراج 19 ہزار 100 کیوسک ہے، نوشہرہ پر دریائے کابل میں پانی کی آمد 37 ہزار کیوسک اور اخراج بھی 37 ہزار کیوسک ہے۔

ریزروائر کی معلومات

ترجمان واپڈا کے مطابق تربیلاریزروائر میں آج پانی کی سطح 1444.30فٹ اور ذخیرہ 9 لاکھ 2 ہزار ایکڑ فٹ ہے، منگلا ریزروائر میں آج پانی کی سطح 1137 فٹ اور ذخیرہ 12 لاکھ 35 ہزار ایکڑ فٹ ہے۔

ادھر چشمہ ریزروائر میں آج پانی کی سطح 646.90 فٹ اور ذخیرہ 2 لاکھ 8 ہزار ایکڑ فٹ ہے جبکہ تربیلا، منگلا اور چشمہ ریزروائر میں قابل استعمال پانی کا مجموعی ذخیرہ 23 لاکھ 45 ہزار ایکڑ فٹ ہے۔