نواز شریف میڈیکل ڈسٹرکٹ کا جامع پلان طلب، ہر نمایاں شہر میں کارڈیالوجی سینٹر بنانے کا اصولی فیصلہ
وزیراعلیٰ پنجاب کی ہدایت
لاہور (ڈیلی پاکستان آن لائن) وزیراعلیٰ پنجاب مریم نواز نے سرکاری ہسپتالوں کے لیے جدید ترین طبی آلات خریدنے اور مریضوں کی ضرورت کے پیش نظر طبی آلات فراہم کرنے کی ہدایت کی۔
یہ بھی پڑھیں: آج خطباتِ جمعہ ’’یوم عزم استحکام پاکستان‘‘ کے عنوان پر ہوں گے،علامہ طاہر محمود اشرفی
اجلاس کی تفصیلات
وزیراعلیٰ مریم نواز کی زیرِ صدارت ایک خصوصی اجلاس ہوا جس میں ہیلتھ کے تمام پراجیکٹس کا تفصیلی جائزہ لیا گیا۔ وزیراعلیٰ نے نواز شریف میڈیکل ڈسٹرکٹ کا جامع پلان طلب کیا۔
یہ بھی پڑھیں: انسداد دہشتگردی عدالت سے 625 ملزمان کی ضمانت بعد از گرفتاری کی درخواستیں خارج
نئے پروجیکٹس
اس موقع پر نواز شریف میڈیکل ڈسٹرکٹ میں سکول آف پیرا میڈیکس بنانے کی تجویز پر اتفاق کیا گیا۔ اجلاس میں انسٹیٹیوٹ آف جینٹک اینڈ بلڈ ڈیزیز نواز شریف میڈیکل ڈسٹرکٹ بنانے کا فیصلہ بھی کیا گیا۔ مزید یہ کہ سرجیکل آرتھوپیڈک میڈیسن ری ہیبلی ٹیشن بھی بنایا جائے گا۔
یہ بھی پڑھیں: کورکمانڈر لاہور کا UMT کا دورہ، طلبہ اور اساتذہ کے ساتھ خصوصی نشست
پراجیکٹس کی بروقت تکمیل
وزیراعلیٰ مریم نواز نے لیڈی ولنگٹن ہسپتال پراجیکٹ کی 6 ماہ میں تکمیل کی ہدایت کی اور زیرِ تکمیل ہیلتھ پراجیکٹس کی بروقت تکمیل کے لیے اقدامات کا حکم دیا۔ اجلاس میں ہر نمایاں شہر میں کارڈیالوجی سینٹر بنانے کا اصولی فیصلہ بھی کیا گیا۔
یہ بھی پڑھیں: مقتول ٹک ٹاکر ثنا یوسف کے والد کا بیان بھی سامنے آگیا۔
راولپنڈی چلڈرن ہسپتال
وزیر اعلیٰ مریم نواز نے راولپنڈی میں چلڈرن ہسپتال کی تکمیل کے لیے فنڈز کے اجراء کی ہدایت کی اور چلڈرن ہسپتال راولپنڈی کے لیے بہترین ڈاکٹر کی خدمات حاصل کرنے کا حکم دیا۔
پراجیکٹس کی مکمل بریفنگ
اجلاس میں وزیراعلیٰ کو سپیشلائزڈ ہیلتھ کیئر اینڈ میڈیکل ایجوکیشن کے جاری اور نئے پراجیکٹس پر مکمل بریفنگ دی گئی۔ مریم نواز نے کہا کہ 60 فیصد سے زائد مکمل پراجیکٹس کی جلد تکمیل پر توجہ دی جائے۔ ہیلتھ پراجیکٹس میں تاخیر سے عوام کو مشکلات کے ساتھ ساتھ لاگت بھی بڑھ جاتی ہے۔
