برطانیہ پاک بھارت کشیدگی کم کرنے کے لئے تیار

برطانیہ کی طرف سے تعاون کا اظہار

لندن (ڈیلی پاکستان آن لائن) برطانیہ نے پاک بھارت کشیدگی کم کرنے کیلئے ہر ممکن تعاون کا اظہار کردیا۔

برطانوی وزیرتجارت کی حمایت

نجی ٹی وی جیو نیوز نے غیر ملکی خبر رساں ادارے کے حوالے سے بتایا کہ برطانوی وزیرتجارت نے کہا کہ پاکستان اور بھارت میں کشیدگی میں کمی کرانے میں مدد کے لیے تیار ہیں۔ ہمارا پیغام یہ ہوگا کہ ہم پاکستان اور بھارت کے دوست، شراکت دار ہیں۔ برطانوی وزیرتجارت کا کہنا تھا کہ ہم پاکستان اور بھارت کی سپورٹ کے لئے تیار ہیں، علاقائی استحکام، ڈائیلاگ اور کشیدگی میں کمی کے لئے جو کچھ بھی کر سکتے ہیں ہم کرنے کو تیار ہیں۔

روسی وزارت خارجہ کی تشویش

دوسری جانب روس نے بھی پاکستان بھارت سے تحمل کا مظاہرہ کرنے کا مطالبہ کیا ہے۔ روسی وزارت خارجہ نے پاکستان اور بھارت کے درمیان بڑھتے فوجی تصادم پر تشویش کا اظہار کرتے ہوئے کہا کہ پاکستان بھارت تحمل کا مظاہرہ کریں۔

جاپان کی طرف سے بھی اپیل

ادھر جاپان نے بھی پاکستان اور بھارت پر تحمل کا مظاہرہ کرنے پر زور دیا ہے۔ جاپانی چیف کیبنٹ سیکرٹری کا کہنا تھا کہ پاکستان اور بھارت بات چیت سے صورتحال کو مستحکم کریں۔