صورتِ حال انتہائی خطرناک، بھارت اپنی ناکامیوں پر پردہ ڈالنے کی کوشش کر رہا ہے: ممتاز زہرہ بلوچ

پاکستانی سفیر کا بیان

پیرس (ڈیلی پاکستان آن لائن) فرانس میں پاکستانی سفیر ممتاز زہرہ بلوچ نے کہا ہے کہ پاکستان اور بھارت کی موجودہ صورتحال انتہائی خطرناک ہے۔ بھارت اپنی ناکامیوں پر پردہ ڈالنے کی کوشش کر رہا ہے۔

یہ بھی پڑھیں: سلمان خان کو سونم کیساتھ رومانوی سین کیلئے 5 ماہ تک منانا، لیکن اداکار کی کیا تھی رائے؟ جانئے!

بھارت کی پرتشدد بیان بازی

’’جنگ‘‘ کے مطابق فرانسیسی اخبارات میں شائع ہونے والے ممتاز زہرہ بلوچ کے انٹرویو کے مطابق، پاکستان اور بھارت کے درمیان صورتِ حال انتہائی خطرناک ہے۔ بھارت پرتشدد بیان بازی کا استعمال کر رہا ہے اور اس نے اپنی فوج کو چوکس کر دیا ہے۔ اس نے اپنے لوگوں سے وعدہ کیا کہ وہ پاکستان پر حملہ کرے گا۔ پاکستان کا پہلگام حملے سے کوئی تعلق نہیں، اس خطے میں 7 لاکھ سے زائد بھارتی فوجی تعینات ہیں۔ بھارت اپنی ناکامیوں پر پردہ ڈالنے کی کوشش کر رہا ہے۔

تحقیقاتی مطالبہ

انہوں نے آزاد ماہرین سے پہلگام واقعے کی تحقیقات کروانے کا مطالبہ کردیا۔