ہمیں اپنی ایئر فورس پر فخر ہے، جارحیت اور سیز فائر کی خلاف ورزی سے بھارت کا مکروہ چہرہ دنیا کے سامنے آیا: ڈی جی آئی ایس پی آر

پاک فوج کے ڈی جی کی نیوز کانفرنس

اسلام آباد (ڈیلی پاکستان آن لائن) پاک فوج کے شعبۂ تعلقاتِ عامہ کے ڈی جی لیفٹیننٹ جنرل احمد شریف چوہدری نے کہا ہے کہ ہمارا دشمن اتنا بزدل ہے کہ رات کو چھپ کر معصوم شہریوں اور آبادیوں کو نشانہ بناتا ہے۔ بھارتی حملوں میں اس وقت تک 31 معصوم شہری شہید اور 57 زخمی ہو چکے ہیں۔ اپنے عوام اور زمین کے تحفظ پر کوئی سمجھوتہ نہیں کریں گے۔

یہ بھی پڑھیں: توانائی اور اہم معدنیات کو سیاست اور دباؤ کا ہتھیار نہ بنایا جائے، چین

بھارت کے بزدلانہ حملے کی مذمت

اسلام آباد میں پاک فوج کے شعبۂ تعلقاتِ عامہ (آئی ایس پی آر) کے ڈی جی لیفٹیننٹ جنرل احمد شریف چوہدری نے نیوز کانفرنس میں کہا ہے کہ بھارت کے بزدلانہ حملے کی جتنی مذمت کی جائے کم ہے۔ ہمارا دشمن اتنا بزدل ہے کہ رات کو چھپ کر معصوم شہریوں اور آبادیوں کو نشانہ بناتا ہے۔ آپ بھارت سے ایسی توقع کر سکتے ہیں کہ کس طرح بھارت اپنی پراکسیز کے ذریعے پاکستان میں دہشت گردی کروا رہا ہے، جب ہم نے دہشت گردوں کے لیے زمین تنگ کرنا شروع کی تو بھارت اپنی فوج کے ذریعے دہشت گردی پر اتر آیا۔

یہ بھی پڑھیں: سیلابی صورتحال کے باعث ملک میں مہنگائی بڑھنے لگی، 18 اشیائے ضروریہ کی قیمتوں میں اضافہ

دشمن کی بزدلی اور دہشت گردی

انہوں نے سوال اٹھایا کہ معصوم شہریوں اور بچوں کو نشانہ بنانا دہشت گردی نہیں تو اور کیا ہے؟ یہ بات ثابت ہو چکی ہے کہ دہشت گردی میں بھارت کس طرح ملوث ہے۔

یہ بھی پڑھیں: پاکستان ایوی ایشن جرنلسٹس کا باقاعدہ قیام عمل میں آ گیا، عدنان ملک تاحیات پیٹرن انچیف مقرر

محافظتی اقدامات اور بھارتی فضائیہ کی ناکامی

لیفٹیننٹ جنرل احمد شریف چوہدری نے بتایا کہ جب یہ حملہ ہوا تو پاکستان کی افواج نے اپنے دفاع میں صرف ملٹری ٹارگٹس کو چنا۔ 3 رافیل طیاروں سمیت 5 بھارتی طیارے تباہ کیے گئے۔ بچوں کو دہشت گردی کا نشانہ بنانا کہاں کی بہادری ہے؟ فضائی جنگ میں اس کی شاہد ہی کوئی مثال ملتی ہو۔ ہمیں اپنی ایئر فورس پر فخر ہے۔

یہ بھی پڑھیں: 15 سال کی تھی جب ٹرمپ نے زیادتی کی کوشش کی، نئی ایپسٹین فائلز میں امریکی صدر پر خاتون سے زیادتی کا الزام

ایل او سی پر بھارتی جارحیت کا جواب

لائن آف کنٹرول پر جارحیت اور سیز فائر کی خلاف ورزی سے بھارت کا مکروہ چہرہ دنیا کے سامنے آیا۔ شواہد سے ثابت ہوا کہ بھارت دیگر ممالک میں دہشت گردی میں ملوث ہے۔ افواجِ پاکستان نے بھارت کے 7 چھوٹے بڑے ڈرونز کو بھی تباہ کیا اور 2 اپنے قبضے میں لیے۔

یہ بھی پڑھیں: شیخوپورہ میں ’’دھی رانی پروگرام ‘‘ کے تحت 150 جوڑوں کی شادی کی تقریب، وزراء اور اہم شخصیات کی شرکت

پاکستان کی افواج کا کامیاب دفاع

انہوں نے بتایا کہ ان تمام حملوں میں پاک افواج کا کوئی جانی نقصان نہیں ہوا۔ ہم نے میڈیا کو لائن آف کنٹرول کا دورہ کرایا۔ جب فضائی اٹیک ہوا تو 57 فلائٹس فضا میں تھیں۔ بھارت کی طرف سے نیلم جہلم ہائیڈرو پاور پروجیکٹ پر بھی شیلنگ کی گئی، جو کہ جنیوا کنونشن کی خلاف ورزی ہے۔ پاکستان اپنے دفاع کا حق محفوظ رکھتا ہے۔

قوم اور فوج کا عزم

قوم کو افواجِ پاکستان پر اور افواج کو اپنی بہادر قوم پر فخر ہے۔ افواجِ پاکستان اور قوم دشمن کے خلاف متحد ہیں، اپنے عوام اور زمین کے تحفظ پر کوئی سمجھوتہ نہیں کریں گے۔