کشمیر ی پاک فوج کو اپنا محافظ تصور کرتے ہیں، پاکستان کے بھارت کو منہ توڑ جواب پر حریت کانفرنس کا ردعمل

مقبوضہ کشمیر کی حریت کانفرنس کا ردعمل

سرینگر (ڈیلی پاکستان آن لائن) پاکستان کے بھارت کو منہ توڑ جواب پر مقبوضہ کشمیر کی کل جماعتی حریت کانفرنس کا ردعمل آگیا۔

یہ بھی پڑھیں: پاکستان اور امریکہ کی سلامتی کیلئے مستقبل میں تعاون کے مزید مواقع تلاش کریں گے: امریکی قونصل جنرل کرسٹن ہاکنز

پاکستان کے جواب سے کشمیریوں کی حوصلہ افزائی

نجی ٹی وی جیو نیوز کے مطابق کل جماعتی حریت کانفرنس کی جانب سے جاری بیان میں کہا گیا ہے کہ پاکستان کے بھارت کو منہ توڑ جواب سے کشمیریوں کے حوصلے بلند ہوئے ہیں۔

یہ بھی پڑھیں: اسٹیٹ بینک نے اوورسیز پاکستانیوں کی جانب سے مارچ میں وطن بھیجی گئی ترسیلات زر کا ڈیٹا جاری کر دیا

بھارت کے حملوں کی مذمت

بیان میں بھارت کے بزدلانہ حملوں کی مذمت کرتے ہوئے کہا گیا کہ کشمیری پاک فوج کو اپنا محافظ تصور کرتے ہیں۔ پاکستان پر بھارتی میزائل حملے مودی حکومت کے ہندو توا ایجنڈے کا تسلسل ہیں، رات کی تاریکی میں پاکستانی شہریوں پر میزائل حملوں نے بھارت کا دہشتگرد چہرہ بے نقاب کردیا۔

اقوام متحدہ سے درخواست

بیان میں مزید کہا گیا کہ بھارت کشمیریوں کی تحریک آزادی کو دبانے کے لیے فالس فلیگ آپریشن رچاتا ہے۔ اقوام متحدہ بھارت کو دہشتگرد ریاست قرار دے، کیونکہ بھارت عالمی امن کےلئے ایک بڑا خطرہ ہے۔