دیر میں شدید بارش نے تباہی مچادی، ندی نالوں میں طغیانی، تودے گرنے سے سڑکیں بند
شدید بارشوں کی تباہی
لوئر دیر (ویب ڈیسک) دیر میں شدید بارشوں نے تباہی مچادی۔ ندی نالوں میں طغیانی اور تودے گرنے سے سڑکیں بند ہو گئیں، جس سے لوگ متاثرہ علاقوں میں پھنس کر رہ گئے۔
یہ بھی پڑھیں: وزیراعلیٰ کی زیر صدارت خصوصی اجلاس، لاہور میں ترقیاتی سکیموں کی بروقت تکمیل کا ٹاسک سونپ دیا
موسم میں تبدیلی
’’ایکسپریس نیوز‘‘ کے مطابق دیر لوئر کے مختلف علاقوں میں بارشوں سے گرمی کا زور ٹوٹ گیا اور موسم خوشگوار ہوگیا۔ بیشتر مقامات پر بادل آسمان پر چھائے رہے اور ٹھنڈی ہوائیں چلتی رہیں۔
یہ بھی پڑھیں: سندھ کا عجیب توہم پرست گاؤں جہاں کرسی اور چارپائی پر بیٹھنے کی اجازت نہیں
لینڈ سلائیڈنگ کے اثرات
دریں اثنا دیر بالا کے دیر کوہستان میں موسلا دھار بارشوں اور ندی نالوں میں طغیانی نے تباہی مچا دی۔ باڈا کے مقام پر لینڈ سلائیڈنگ سے وادی کمراٹ جانے والی سڑک بند ہو گئی، جس سے بڑی تعداد میں سیاح پھنس کر رہ گئے۔
یہ بھی پڑھیں: جوڈیشل سسٹم میں بیلنس نہیں تھا، عدلیہ کے معاملات میں اب چین ہی لکھا جائےگا، رانا ثنا اللہ
پھنسی ہوئی آبادی
مقامی ذرائع کے مطابق متاثرہ علاقوں میں پھنسنے والے سیاحوں میں مرد، خواتین، بوڑھے اور بچے سب شامل ہیں۔
یہ بھی پڑھیں: سوال یہ ہے کہ سیاسی اکابرین قوم کو کیا درس دے رہے ہیں: محفوظ النبی خان
موسمی پیش گوئی
دریں اثنا پی ڈی ایم اے کا کہنا ہے کہ خیبرپختونخوا کے بیشتر اضلاع میں آج سے وقفے وقفے سے بارشوں کا سلسلہ شروع ہونے کا امکان ہے جو 12 مئی تک جاری رہ سکتا ہے۔
متاثرہ علاقے
اس دوران چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، مالاکنڈ، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک اور کوہاٹ میں گرج چمک کے ساتھ وقفے وقفے سے بارش کا امکان ہے۔
