بجلی کی تنصیبات کی حفاظت کا بندوبست کرلیا، ہر طرح کی صورتحال کا مقابلہ کرنے کو تیار ہیں: لیسکو کا اعلان

لیسکو کا بجلی کی تنصیبات کی حفاظت کا اعلان

لاہور (طیبہ بخاری سے) لیسکو نے اعلان کیا ہے کہ بجلی کی تنصیبات کی حفاظت کا بندوبست کرلیا ہے اور ہر طرح کی صورتحال کا مقابلہ کرنے کو تیار ہیں۔

یہ بھی پڑھیں: سینیٹر عرفان صدیقی کی سربراہی میں 3 رکنی پاکستانی پارلیمینٹری وفد کی ازبکستان کے سربراہ سینٹرل الیکشن کمیشن سے ملاقات

اجلاس کی تفصیلات

تفصیلات کے مطابق لاہور الیکٹرک سپلائی کمپنی کے ہیڈکوارٹرز میں چیف ایگزیکٹو آفیسر انجینئر محمد رمضان بٹ کی زیر صدارت اعلیٰ سطح کا اجلاس ہوا، جس میں تمام فنکشنل ہیڈ نے شرکت کی۔ اجلاس کے دوران ہیڈکوارٹرز میں قائم وار روم کی کارکردگی کا جائزہ لیا گیا، اور چیف ایگزیکٹو کی جانب سے وار روم کی کارکردگی پر اطمینان کا اظہار کیا گیا۔

یہ بھی پڑھیں: وزیر اطلاعات عطا تارڑ نے 27ویں آئینی ترمیم کے امکان کو مسترد کردیا

سی ای او کا پیغام

اس موقع پر خطاب کرتے ہوئے سی ای او انجینئر محمد رمضان بٹ نے کہا کہ موجودہ صورتحال میں ہمیں مزید مستعدی اور اتفاق کا مظاہرہ کرنے کی ضرورت ہے۔ مل جل کر کام کرنے سے تمام مسائل کا باآسانی حل نکل آتا ہے۔ موجودہ کشیدہ صورتحال میں افسران نے کسی قسم کی پریشانی کا مظاہرہ نہیں کرنا؛ ایک اللہ پر یقین رکھنے والوں کو دنیا کی کوئی طاقت شکست نہیں دے سکتی۔ ہم نے بجلی کی تنصیبات کی حفاظت کا بندوبست کر لیا ہے، لیسکو کا عملہ بھی ہر طرح کی صورتحال کا مقابلہ کرنے کو تیار ہے۔

اجلاس میں شرکت کرنے والے اراکین

چیف ایگزیکٹو لیسکو انجینئر محمد رمضان بٹ کی زیر صدارت ہونیوالے اجلاس میں آپریشن ڈائریکٹر اعجاز احمد بھٹی، کسٹمر سروسز ڈائریکٹر عباس علی، ہیومن ریسورس ڈائریکٹر ضمیر حسین کلاچی، ڈی جی ایڈمن معصومہ عادل، سی ایف او محمد احمد سعید، چیف انجینئر آپریشنز ندیم ملک، چیف انجینئر ڈویلپمنٹ عمران محمود، چیف انجینئر پی اینڈ ڈی فیصل زکریا، چیف انجینئر ٹی ایس ڈیزائن نثار سرور، چیف انجینئر پی آئی یو انور وٹو اور چیف آئی ٹی آفیسر محمد عثمان علی جرال نے شرکت کی۔