چیٹ جی پی ٹی نے بیوی کے سامنے شوہر کے معاشقے کی پول کھول دی

یونان میں اے آئی کی مدد سے طلاق کا فیصلہ

ایتھنز (ویب ڈیسک) یونان میں ایک خاتون نے ’اے آئی‘ کی مدد سے شوہر کی مبینہ بے وفائی کا سراغ لگانے کے بعد طلاق کے لیے درخواست دے دی۔ یونانی میڈیا کے مطابق، 12 سال سے شادی شدہ اور دو بچوں کی ماں اس وقت خبروں کی زینت بنی جب اس نے اپنے شوہر کے خلاف ’چیٹ جی پی ٹی‘ کی مدد سے ثبوت حاصل کرنے کا دعویٰ کیا۔

یہ بھی پڑھیں: امریکی صدر ڈونلڈ ٹرمپ کی زندگی کو جان آف کینیڈی کی طرح خطرہ لاحق ہے، مشاہد حسین کی پیش گوئی

اے آئی کی پیش گوئی

خاتون نے کافی کے پیالوں میں بچ جانے والے پتّی کے نمونوں کی تصاویر چیٹ جی پی ٹی کو بھیجیں اور قدیم طریقہ ’ٹیسوگرافی‘ سے حال جاننے کے طریقہ کار کو اپنایا۔ حیران کن طور پر، اے آئی نے جواب میں پیش گوئی کی کہ ان کا شوہر ایک کم عمر خاتون سے تعلقات میں ملوث ہے، جو ان کے گھر کو توڑنا چاہتی ہے۔ اس کے ساتھ ہی ایک خاتون کا ذکر بھی کیا گیا جس کے نام کا ابتدائی حرف ’E‘ بتایا گیا، اور دعویٰ کیا گیا کہ وہ ان کے شوہر کی ’مستقبل کی ساتھی‘ ہے۔

یہ بھی پڑھیں: اقوام متحدہ کی جنرل اسمبلی نے غزہ سے متعلق قرارداد منظور کرلی

شوہر کا ردعمل

شوہر نے ان الزامات کو مضحکہ خیز قرار دیتے ہوئے کہا، ’میں نے تو اسے مذاق سمجھا، مگر میری بیوی نے اسے سنجیدگی سے لیا۔ اس نے مجھے گھر سے نکال دیا، بچوں کو بتایا کہ ہم طلاق لے رہے ہیں، اور تین دن بعد وکیل کی طرف سے نوٹس موصول ہوا۔ تب مجھے اندازہ ہوا کہ معاملہ سنگین ہے۔‘

یہ بھی پڑھیں: پہلگام حملے کے بعد بھارت میں مسلم مخالف نفرت انگیز جرائم میں خطرناک اضافہ، 19 ریاستوں میں 184 واقعات رپورٹ

ماضی کے تجربات

شوہر کا کہنا ہے کہ یہ پہلا موقع نہیں جب اس کی بیوی نے غیرمعمولی عقائد پر یقین کیا ہو، اب تک وہ ایک نجومی کے کہنے پر تقریباً ایک سال مختلف فیصلے کرتی رہی ہے۔

قانونی نقطہ نظر

شوہر کے وکیل نے واضح کیا ہے کہ اے آئی کی پیش گوئی کسی بھی قانونی فورم پر ناقابلِ قبول ہے، ’جب تک الزام ثابت نہ ہو، مؤکل بے گناہ ہے۔‘