پاکستان کا بھارت کے خلاف سائبر حملہ تاریخ کا سب سے بڑا حملہ قرار دیا جانے لگا

پاکستان کی فیصلہ کن فوجی کارروائی

اسلام آباد (ڈیلی پاکستان آن لائن) پاکستان کے معروف صحافی، تجزیہ کار اور کالم نگار انصار عباسی نے لکھا ہے کہ سول اور فوجی قیادت کی اعلیٰ ترین سطح پر منظور شدہ ایک محتاط لیکن مربوط فوجی آپریشن کے دوران پاکستان نے ہفتے کے روز علی الصباح ایک فیصلہ کن کارروائی کا آغاز کیا، جس کے نتیجے میں بھارت کا جدید ترین دفاعی نظام تباہ ہوگیا۔

یہ بھی پڑھیں: بھارتی صحافی نے بھارتی کرکٹ ٹیم کے پاکستان نہ آنے سے متعلق بڑے انکشافات کر دیئے

حکمت عملی اور قیادت کا عزم

نجی ٹی وی جیو نیوز کے مطابق اس بنائی گئی حکمت عملی کے پیچھے غیر معمولی پلاننگ کے علاوہ قیادت اور فوج کے جذبہ ایمانی کا امتزاج شامل تھا، جس کا آغاز آرمی چیف جنرل عاصم منیر نے اس ہائی لیول میٹنگ کے اختتام پر ایک طویل دعا کرکے کیا تھا۔ ذرائع کا کہنا ہے کہ جمعہ کی شب وزیر اعظم شہباز شریف کی زیر صدارت ہونے والے اجلاس میں بھارت کیخلاف جوابی کارروائی کی منظوری دی گئی، جس سے نہ صرف بھارت کی دفاعی لائنیں ہل گئیں بلکہ اس کا غرور اور گھمنڈ بھی خاک میں مل گیا۔

یہ بھی پڑھیں: 26 نومبر کے احتجاج میں زخمی ہونے والا پاکستان رینجرز پنجاب کا ایک اور اہلکار شہید ہو گیا

آپریشن کی تفصیلات

علی الصبح تقریباً فجر کے وقت پاکستان کی مسلح افواج نے بھارت کے خلاف اپنی مربوط، کثیرالجہتی آپریشن شروع کیا۔ اسلامی تعلیمات کے مطابق آپریشن صبح کے اوقات میں شروع کیا گیا۔ اس کارروائی میں اٹھائے گئے ہر قدم میں ایمان، یقین اور نظم و ضبط کی مثال تھی۔ پہلا میزائل "نعرہ تکبیر" بلند کرتے ہوئے فائر کیا گیا، جو تاریخی اسلامی لڑائیوں کے جذبے کی عکاسی کرتا ہے۔

یہ بھی پڑھیں: پاکستان اور جنوبی افریقہ کے درمیان آخری ٹی 20 میچ آج کھیلا جائیگا

بھارتی دفاعی نظام پر اثرات

اگرچہ بھارت کو اپنے ہائی ٹیک رافیل طیاروں اور ڈیڑھ ارب ڈالر کے جدید ترین ایس 400 ایئر ڈیفنس سسٹم پر ناز تھا، مگر پاکستان کی دفاعی افواج کی تربیت، نظم و ضبط اور ایمان نے دشمن کی چالیں ناکام بنادیں۔ بھارت میں تجزیہ کاروں نے پہلے پاکستان کے دفاعی ساز و سامان کو اپنے اسلحے کے مقابلے میں کم تر سمجھا، مگر وہی ساز و سامان ان کیلئے تباہی کا سبب بن گیا۔

یہ بھی پڑھیں: عالمی برادری پاک بھارت کشیدگی کم کروانے کیلئے میدان میں آ گئی

سائبر جنگ میں پاکستان کی فتح

پاکستان نے مواصلاتی لائنوں، ایئر ٹریفک سسٹم اور بھارت کے ڈیجیٹل دفاعی کنٹرول کو بھی غیر موثر کر دیا۔ بھارت کی بیشتر دفاعی اور سرکاری ویب سائٹس ہیک کر لی گئیں۔ بھارتی دفاع بھلے ہی افراتفری کا شکار نہ ہوا ہو، مگر وہ مکمل صدمے کی حالت میں تھا۔ بھارت کو سب سے غیر متوقع دھچکا پاکستان کی سائبر وار سے لگا، جسے ماہرین تاریخ کا سب سے بڑا سائبر اٹیک قرار دے رہے ہیں۔

نئی جغرافیائی صورتحال

پاکستان کی کامیابی نے تجزیہ کاروں کو بھارت کو پہنچنے والے نقصان کا درست اندازہ لگانے میں مشکلات پیش آرہی ہیں۔ بعض لوگ تو یہ کہتے ہیں کہ اس میں اللہ تعالیٰ کی مدد شامل تھی۔ آپریشن کا نام رکھے جانے سے لے کر حملوں سے متعلقہ ہر قدم پر اسلامی اصولوں کی پیروی کی گئی۔ اس کے نتیجے میں بھارت، جو مذاکرات تک تیار نہ تھا، اب نہ صرف جنگ بندی پر آمادہ ہوا بلکہ مذاکرات پر بھی مجبور ہوا۔ جنوبی ایشیا کا جغرافیائی سیاسی منظرنامہ تبدیل ہو گیا ہے، اور یہ پاک فوج کا ایمان اور جہاد فی سبیل اللہ میں یقین تھا جس نے طاقت کا توازن بدلا۔