جنگ میں جیت کی خوشیاں مناتے لاہوریوں پر موسم بھی مہربان ہو گیا، شہر میں بارش اور ژالہ باری

خوشگوار موسم کا آغاز

لاہور(ڈیلی پاکستان آن لائن)شہر کے مختلف علاقوں میں گرج چمک کے ساتھ موسلادھار بارش اور ژالہ باری نے موسم کو خوشگوار بنا دیا۔

یہ بھی پڑھیں: آئینی ترمیم کیلئے حکومت کو 64ارکان کی حمایت درکار، اصل میں پوزیشن کیا ہے؟ جانیے

شہریوں کی خوشی کا منظر

لاہور میں جگہ جگہ پر جنگ میں جیت کی خوشی منائی جا رہی ہے۔ لوگ ریلیاں نکال رہے ہیں اور ایک دوسرے میں مٹھائیاں تقسیم کر رہے ہیں۔ ایسے میں شدید گرمی کے بعد بارش اور ژالہ باری نے موسم کو خوشگوار بنا دیا ہے، جس سے شہریوں کے لطف میں اضافہ ہوا ہے۔

یہ بھی پڑھیں: شادی سے پہلے فونز پر باتیں ہوئیں اور 2 بار باہر ملے، ثمینہ احمد کامنظر صہبائی سے شادی کی پیشکش سے متعلق دلچسپ انکشاف

محکمہ موسمیات کی پیشگوئی

محکمہ موسمیات کے مطابق یہ بارش مغربی ہواؤں کے نئے سلسلے کا نتیجہ ہے جو آئندہ 24 گھنٹوں تک وقفے وقفے سے جاری رہ سکتی ہے۔

احتیاطی تدابیر

شہریوں کو غیر ضروری سفر سے گریز اور احتیاطی تدابیر اختیار کرنے کی ہدایت کی گئی ہے۔