کیا پاکستان نے واقعی رافیل طیارے گرائے، صحافی نے بھارتی فضائیہ کے ایئر مارشل سے سوال کیا تو کیا جواب ملا؟ بھارتیوں کو پریشان کردیا

نئی دہلی میں بھارتی صحافی کا سوال

نئی دہلی(ڈیلی پاکستان آن لائن) بھارتی صحافی نے بھارتی فضائیہ کے ایئر مارشل اے کے بھارتی سے سوال کیا کہ پاکستان دعویٰ کر رہا ہے کہ انہوں نے رافیل طیارہ مار گرایاہے، اس دعوے کی کیا حقیقت ہے۔

یہ بھی پڑھیں: وزیر اعلیٰ پنجاب کی شاہ مردان میں سیکیورٹی فورسز کی پوسٹ پر حملے کی شدید مذمت

ایئر مارشل اے کے بھارتی کا جواب

اس سوال پر جواب دیتے ہوئے بھارتی فضائیہ کے ایئر مارشل اے کے بھارتی نے ایک لمبا سانس لیتے ہوئے کہا کہ میں خوش ہوں کہ آپ نے مجھ سے یہ سوال پوچھا۔ ہم جنگی صورتحال میں ہیں اور کسی بھی قسم کا نقصان جنگ کا حصہ ہیں۔ آپ کو ہم سے سوال کرنا چاہیے کہ کیا ہم نے اپنے اہداف حاصل کیے، جس کا جواب ہے ہاں۔

نقصان کے نمبرز کا سوال

ان کا کہنا تھا کہ جہاں تک جنگ میں نقصان کے نمبرز کا سوال ہے تو یہ ابھی نہیں دیا جا سکتا کیونکہ ہم ابھی حالت جنگ میں ہیں۔ انہوں نے مزید کہا کہ ابھی میں صرف اتنا کہہ سکتا ہوں کہ ہم نے تمام اہداف حاصل کیے اور ہمارے تمام پائلٹس اپنے گھر میں واپس آگئے۔