الحمداللہ، افواج پاکستان نے قوم سے کیا گیا وعدہ نبھایا: ڈی جی آئی ایس پی آر
پریس کانفرنس کی تفصیلات
راولپنڈی (ڈیلی پاکستان آن لائن) ڈی جی آئی ایس پی آر لیفٹیننٹ جنرل احمد شریف چوہدری ائیرفورس اور نیوی افسران کے ساتھ پریس کانفرنس کر رہے ہیں۔
یہ بھی پڑھیں: ججز کے استعفے جمہوریت کی بالادستی کا خواب دیکھنے والوں کیلئے لمحہ فکریہ ہیں: سعد رفیق
افواج پاکستان کا عزم
ڈی جی آئی ایس پی آر لیفٹیننٹ جنرل احمد شریف چوہدری کا کہنا تھا کہ الحمدللہ، افواج پاکستان نے قوم سے کیا گیا وعدہ نبھایا۔ بھارت نے جارحیت کرکے بےگناہ پاکستانیوں کا خون بہایا، بھارتی جارحیت کے خلاف پاکستان نے آپریشن بنیان مرصوص شروع کیا۔ مسلح افواج نے عوام سے جو وعدہ کیا تھا وہ پورا کیا۔ بھارت کی جانب سے ڈرون کے ذریعے پاکستانی فضائی حدود کی خلاف ورزی کی گئی۔ ہم وطن کے دفاع میں جان دینے والے شہدا کو خراج عقیدت پیش کرتے ہیں۔
یہ بھی پڑھیں: ایران ہتھیار نہیں ڈالے گا، میزائل حملوں کی تعداد نے عوام کو حیران کر دیا، اسرائیلی صحافی کا انکشاف
پاکستان کا جواب
پاک فوج نے اپنی قوم سے تین چیزوں کا وعدہ کیا تھا:
- پاکستان کا جواب بھرپور ہوگا۔
- ہمارے جواب کا وقت، مقام اور طریقہ ہم خود طے کریں گے۔
- جب ہم جواب دیں گے تو صرف انڈین میڈیا نہیں بلکہ پوری دنیا کے میڈیا کو اس کا پتہ ہوگا۔
یہ بھی پڑھیں: صرف بددعائیں دینے سے اسرائیل تباہ نہیں ہوگا، عبد القادر پٹیل
بھارتی جارحیت کے نتائج
6 اور 7 مئی کو بھارتی جارحیت سے بچے اور خاتون سمیت معصوم افراد شہید ہوئے۔ بھارت نے آزاد کشمیر کی سویلین آبادی کو بھاری ہتھیاروں سے نشانہ بنایا، ہمارے دل اور ہمدردیاں شہدا کے اہلخانہ کے ساتھ ہیں۔
یہ بھی پڑھیں: وفاقی پبلک سروس کمیشن نے CSS کے امتحان کے لیے ڈیٹ شیٹ جاری کر دی
آپریشن بنیان مرصوص
ڈی جی آئی ایس پی آر نے کہا کہ پاک فوج نے آپریشن بنیان مرصوص میں پاکستان کے خلاف استعمال ہونے والے 26 ملٹری ٹارگٹس کو نشانہ بنایا، جن میں اُڑی نیٹ ورکس اسٹیشن اور پونچھ راڈار شامل ہیں۔ اللہ کا شکر ادا کرتے ہیں کہ اس نے فتح سے نوازا۔ وزیراعظم اور وزرا کے مشکور ہیں جنہوں نے مشکل وقت میں اہم فیصلے کیے۔
یہ بھی پڑھیں: 15 سال کی تھی جب ٹرمپ نے زیادتی کی کوشش کی، نئی ایپسٹین فائلز میں امریکی صدر پر خاتون سے زیادتی کا الزام
پاکستان کی فوجی کاروائیاں
پاکستان نے بھارت کے 26 فوجی اہداف کو نشانہ بنایا جہاں سے پاکستانی عوام پر حملہ کیا گیا تھا۔ ہم نے سورت گڑھ، سرسہ، آدم پور، اونتی پورہ، اودھم پور، اور پٹھان کوٹ میں اہداف کو نشانہ بنایا۔ 2 مقامات پر بھارت کے ایس 400 بیٹری سسٹم کو کامیابی سے نشانہ بنایا گیا۔ پاکستان نے اپنی وسیع تر ٹیکنالوجی میں سے کچھ کا تحمل کے ساتھ استعمال کیا۔
یہ بھی پڑھیں: آئین کے آرٹیکل 8/3 میں کیا ہے؟ کیا سویلینز اس کے زمرے میں آتے ہیں؟ جسٹس مسرت ہلالی کا استفسار
سائبر حملے اور سرحدی صورتحال
ڈی جی آئی ایس پی آر نے کہا کہ بیاس اور نگروٹا میں براہموس میزائلوں کے اڈے پر حملہ کیا۔ پاکستانی افواج نے بھرپور سائبر حملے بھی کیے اور بھارتی فوج کے زیر استعمال سسٹم کو مفلوج کیا۔ مشرقی سرحد پر پاک فوج کی مصروفیت کے دوران خیبر پختونخوا اور بلوچستان میں بھارتی سرپرستی میں ہونے والی دہشت گردی میں اضافہ ہوا ہے۔
مجموعی تجزیہ
جب بھی بھارت نے جارحیت کی، ہمارا ردعمل جامع، بھرپور اور فیصلہ کن ہوگا۔ بھارت پاکستان میں دہشت گردی میں ملوث ہے، جس کے ثبوت بھی موجود ہیں۔ کوئی شک میں نہ رہے، ہماری خودمختاری پر حملہ کیا گیا تو بھرپور جواب دیا جائے گا۔ پاکستانی میڈیا بہادری سے بھارتی میڈیا کے سامنے ڈٹا رہا۔
