امریکی، برطانوی، فرانسیسی میڈیا اور ماہرین پاکستان کی دفاعی صلاحیتوں کے معترف

پاکستان کی جنگی صلاحیتیں بین الاقوامی سطح پر تسلیم

لاہور (ڈیلی پاکستان آن لائن) پاکستان کی جانب سے بھارتی جارحیت کے دفاع اور جوابی کارروائی میں جنگی کمالات دکھانے پر امریکہ، برطانیہ اور فرانس جیسے جدید ممالک کے صحافتی ادارے اور ماہرین پاکستان کی جنگی صلاحیتوں کے معترف ہو گئے۔

یہ بھی پڑھیں: پاکستان پڑوسیوں سے مستحکم تعلقات چاہتا، دہشتگردی امن کے لیے خطرہ ہے: وزیر اعظم

برطانوی جریدے کا پاکستانی فضائیہ کی تعریف

نجی ٹی وی دنیا نیوز کے مطابق برطانوی جریدے ٹیلی گراف نے پاکستان کی موثر دفاعی حکمت عملی کو سراہتے ہوئے لکھا کہ رافیل جیسے جدید بھارتی طیاروں کی تباہی بھارت کے لئے تضحیک آمیز شکست ہے۔ پاکستان کی فضائیہ فضاوں کی حکمران ہے۔ ٹیلی گراف کے مطابق پاکستانی طیاروں نے ہوا سے ہوا میں مار کرنے والے جدید میزائل استعمال کرتے ہوئے 5 بھارتی جنگی طیارے مار گرائے۔

یہ بھی پڑھیں: اگر تمام اپوزیشن جماعتیں متفقہ طور پر مولانا فضل الرحمان کو اپوزیشن لیڈر نامزد کرتی ہیں تو اس حوالے سے مشاورت کی جا سکتی ہے، مولانا عبدالغفور حیدری

بی بی سی کی رپورٹ میں بھارت کی ناکامی

بی بی سی نے اپنی رپورٹ میں لکھا کہ بھارت کی حکمت عملی ناکام رہی اور پاکستان کو فوجی محاذ پر برتری حاصل ہوئی۔ بھارت فیصلہ کن ضرب لگانے میں ناکام رہا، پاکستان کی فضائی طاقت بھارت کیلئے چیلنج ہے، اربوں خرچ کرنے کے باوجود بھارت کو کوئی فائدہ نہیں ہوا۔

یہ بھی پڑھیں: ڈیڑھ سال میں مجھ پر بہت الزامات لگے لیکن مجھے ہزیمت کا سامنا نہیں کرنا پڑا بلکہ مجھ پر الزام لگانے والوں کو منہ کی کھانی پڑتی ہے، سلمان اکرم راجا

تاریخ دان کی رائے

برطانیہ کے تاریخ دان اور دفاعی مطالعہ کے ماہر مائیکل کلارک نے کہا ہے کہ پاکستان اور بھارت کے درمیان ’ساکھ‘ کی جنگ تھی۔ پاکستان نے بھارت کے ساتھ جنگ میں جو ہتھیار استعمال کیے، ان سے بھارت حیران ضرور ہوا ہوگا۔

یہ بھی پڑھیں: آئی سی سی کی نئی ٹیم رینکنگ، وہ ٹیم جس نے پاکستان کو تینوں فارمیٹس میں پیچھے چھوڑ دیا

ششی تھرور کی اعتراف

بھارت کی اپوزیشن جماعت کانگریس سے تعلق رکھنے والے رکن پارلیمنٹ و بین الاقوامی شہرت یافتہ مصنف ششی تھرور نے پاک فوج کی طاقت کو تسلیم کرتے ہوئے کہا کہ پاکستان ایک بہت بڑی فوج والا ملک ہے۔

یہ بھی پڑھیں: اسلام آباد کی عدالت کا سابق وزیراعظم آزاد کشمیر کو گرفتار کرکے پیش کرنے کا حکم

دی نیشنل انٹریسٹ کا تجزیہ

بین الاقوامی ملٹری جریدے دی نیشنل انٹریسٹ نے بھی پاک فوج کی برتری کو تسلیم کرتے ہوئے لکھا کہ پانچ بھارتی جنگی طیاروں کو مار گرانا پاکستان کی زبردست کامیابی ہے۔

یہ بھی پڑھیں: عمران خان سیاسی لوگوں کو آگے لے کر آئیں: فواد چودھری

فرانسیسی صحافی کا تبصرہ

فرانسیسی اخبار لی موندے کی صحافی سوفی لاندریں نے پاکستانی فضائیہ کی کامیابی کی بڑی وجہ پائلٹوں کی اعلیٰ تربیت اور جنگی تجربے کو قرار دیا۔

سی این این کی رپورٹ

ایمریکی نشریاتی ادارے سی این این کے انٹرنیشنل ڈپلومیٹک ایڈیٹر نک رابرٹسن نے بتایا کہ بھارتی حملے کے بعد پاکستان نے بھارت پر نہ رکنے والے میزائلوں کی بارش کردی، جس کے باعث بھارت مذاکرات کی میز پر آنے پر مجبور ہوا۔