خیرپور سے اغوا 12 افراد کو پولیس نے بازیاب کرالیا

خیرپور میں اغوا کا واقعہ

خیبرپور(آئی این پی) خیرپور میں گزشتہ شب اغوا ہونیوالے 12 افراد کو پولیس نے کامیاب آپریشن کے بعد بازیاب کرالیا۔ بازیاب افراد میں 3 کا تعلق سکھر اور 9 کا خیرپور سے ہے۔

یہ بھی پڑھیں: ہائے پردیس !! پردیس میں جوان اکلوتا بیٹا فوت ہوگیا ، ماں نے سہرا، نوٹوں کے ہار ، گلاب کی پتیاں اور شیروانی بیٹے کی قبر پر رکھ دیں۔۔۔

پولیس کی کارروائی

ایس ایس پی سکھر اظہر خان کے مطابق، خیرپور سے گزشتہ شب اغوا کیے گئے 12 افراد کو پولیس نے باگڑجی کے علاقے میں کامیاب آپریشن کے بعد بازیاب کرالیا۔ ڈاکو مغویوں کو ایک جگہ سے دوسری جگہ منتقل کر رہے تھے۔ انہوں نے بتایا کہ پولیس کو دیکھ کر ڈاکوں نے فائرنگ کردی، تاہم پولیس کی بروقت کارروئی کے نتیجے میں 12 افراد کو بازیاب کرالیا گیا۔ بازیاب 3 مغویوں کا تعلق سکھر اور 9 کا خیرپور سے ہے۔

علاقے میں بڑھتی ہوئی تشویش

واضح رہے کہ گزشتہ رات ڈاکوں نے سکھر اور خیرپور کے لنک روڈز سے 12 افراد کو اغوا کرلیا تھا۔ بعد ازاں مغویوں کی ویڈیو بھی وائرل کردی گئی تھی۔